ការព្រួយ​បារម្ភ​អំពី​ការ​ធ្លាក់​ចុះ​នៃ​អក្សរសាស្ត្រ​ខ្មែរ​ក្នុង​សម័យ​ទំនើប

អ្នកអក្សរ​សាស្ត្រ​បានលើក​ឡើង​នូវ​កង្វល់​ចំពោះ​ការធ្លាក់ចុះ​នៃ​វិស័យ​អក្សរ​សាស្ត្រ​ជាតិ ដែល​ជា​កំណត់​សំគាល់​អត្តសញ្ញាណ​ដ៏សំខាន់​របស់​ខ្មែរ។

លោក ទូច គីមស្រ៊ាង ប្រធាន​សមាគម​ទ្រទ្រង់​អក្ស​សាស្ត្រ​ជាតិនិង​វប្បធម៌ និង​ជា​មន្ត្រី​នៃក្រុម​ជំនុំ​ព្រះ​ត្រៃ​បិដក​បាន​ថ្លែងថា​នា​ពេល​បច្ចុប្បន្ន គេ​សង្កេត​ឃើញថា​ការ​ប្រើ​ប្រាស់
ទាំង​ភាសា​និង​អក្សរ​សាស្ត្រ​ខ្មែរ​មិន​ត្រូវ​បាន​យក​ចិត្ត​ទុកដាក់​និង​ផ្តល់​តម្លៃ​នោះទេ។

អាណា​ព្យាបាលនិង​ឪពុក​ម្តាយ​ភាគច្រើន​បាន​បញ្ជូន​កូនៗ​របស់ខ្លួន​ទៅរៀន​ភាសា​បារាំង ឫ​អង់គ្លេស​តាំងពី​សាលា​មត្តេយ​មក​ម៉្លេះ។ និន្នាការ​ទាំងនេះ​នឹងធ្វើ​ឲ្យ​កូនក្មេង​មិន​ចេះ​ភាសា​ ខ្មែរ​ហើយ​ពូកែ​ភាសា​បរទេស​ជាង​ភាសា​ជាតិ​របស់​ខ្លួន។

(សំឡេងលោក​ទូច គីមស្រ៊ាង)

ក្រៅពី​បញ្ហា​ទាំង​នោះ លោក ទូច គីមស្រ៊ាង​បានបញ្ជាក់​ថា​តាំង​ពីដើម​រៀងមក រហូត​មក​ដល់​បច្ចុប្បន្ន ភាសា​និង​អក្សរ​សាស្ត្រ​ខ្មែរ​មិនទាន់​មានការ​ឯកភាព​គ្នាលើ​បញ្ហា​សំខាន់ៗ​មួយ​ចំនួន។​

ចំនុចទី១ គឺការ​មិនទាន់​ឯកភាព​ជាតិទៅលើ​ការសរសេ​អក្ខរាវិរុទ្ធ ឧទាហរណ៍​អ្នកខ្លះ​ប្រើអក្សរ “ណ” និងអ្នកខ្លះ​ប្រើ​អក្សរ​​ “ន” ជាដើម។ ចំណែក​អ្នកខ្លះ​ប្រើប្រាស់​អក្សរ​រាយ និង​អ្នកខ្លះ​ប្រើប្រាស់​អក្សរ​តម្រួត។

ចំនុចទី២ គឺ ការមិន​ឯកភាព​លើការ​អាន​ពាក្យ ចំនុចទី៣​គឺ​ការមិន​ឯកភាព​លើការ​បង្កើត​ពាក្យថ្មី និង​ការមិនឯកភាព​ទី៤​គឺកម្ចី​ពាក្យ។

(សំឡេងទូច គីមស្រ៊ាង)

លោក ទូច គីមស្រ៊ាង​បាន​បញ្ជាក់​ថា លោក​មាន​ការព្រួយ​បារម្ភ​និងជា​ក្តីអាម៉ាស់​មួយ​នៅ​ពេល​ដែល ភាសា​និង​អក្សរ​សាស្ត្រ​ជាតិមិនត្រូវ​បានគេ​យក​ចិត្ត​ទុក​ដាក់នោះ​។ លោក​បញ្ជាក់ថា​សូម្បីតែ​ការ ប្រើ​ប្រាស់​ជាផ្លូវការ​ដូចជា​ការសរសេរ​លិខិត​ជូនពរ និង ការ​ប្រើប្រាស់​ជាផ្លូវការ​ក៏ដោយ ក៏គេ​សង្កេត​ឃើញ​ថា​នៅ​មាន​ការ​ខុសឆ្គង​ទាំងការ​ប្រើប្រាស់​ពាក្យពេចន៍​និង​ឃ្លា​ប្រយោគ។

(សំឡេងទូច គីមស្រ៊ាង)

លោក ទូច គីមស្រ៊ាង​បាន​បន្ថែមថា​ដើម្បី​លើក​ស្ទួយ​វិស័យ​អក្សរ​សាស្រ្ត​ជាតិ គេមិន​ត្រឹមតែ​ត្រូវការ ធ្វើការ​អភិរក្ស​តែ​ម្យ៉ាង​ប៉ុណ្ណោះទេ គឺទាមទារ​ឲ្យមាន​ការ​អភិវឌ្ឍ​ផងដែរ។

លោកបញ្ជាក់​ថា ការកែ​លម្អ​ធ្វើឲ្យ​វិស័យ​អក្សរ​សាស្ត្ររឹតតែ​ប្រសើរឡើង​គឺជា​មធ្យោបាយ​ដ៏ល្អ​ដើម្បី ប្រែក្លាយ​អក្សរ​សាស្ត្រខ្មែរ​ទៅជា​អរិយភាសា​និងកិត្យា​នុភាព​ជាតិ។

(សំឡេងទូច គីមស្រ៊ាង)

ក្នុងនាម​ទ្រទ្រង់​អក្សរ​សាស្ត្រជាតិនិង​វប្បធម៌​លោក ទូច គីមស្រ៊ាង​បានថ្លែងថា​ដើម្បី​ចូលរួម​លើក​កម្ពស់ វិស័យ​អក្សរ​សាស្ត្រ​ជាតិឲ្យរីក​ចម្រើន​គេ​ត្រូវ​ប្រើប្រាស់​វចនានុក្រម​ខ្មែរ​ជាគោល​នៅ រាល់​ការ​សរសេ​ទាំងឡាយ។

(សំឡេងទូច គីមស្រ៊ាង)

លោក​បាន​បន្ថែម​ថា អក្សរ​សាស្ត្រ​និង​វប្បធម៌​មានការ​ជាប់​ទាក់ទង​គ្នា​យ៉ាង​ស្អិត​ល្មួត។ ប្រសិន​បើ​អក្សរ​សាស្ត្រ​មាន​តម្លៃនោះ​មានន័យ​ដូចគ្នា​ថា​ក៏បាន​ចូលរួម​ផ្តល់​តម្លៃនិង​លើក​ស្ទួយ
វិស័យ​វប្បធម៌​ផងដែរ។ (សំឡេងទូច គីមស្រ៊ាង)