ប្រវត្តិ​និង​ទស្សន​វិជ្ជា​របស់​ខុងជឺ

ប្រវត្តិ​និង​ទស្សន​វិជ្ជា​របស់​ខុងជឺ

ប្រវត្តិ​និង​ទស្សន​វិជ្ជា​របស់​ខុងជឺ

ដាក់​បញ្ចូល​ពេល 27 April 2013, 16:47 AEST

អ្នកសិក្សា​ទាំងឡាយ​តែងតែ​បានឮ​ បានដឹង បានស្គាល់​ពីខុងជឺអ្នកប្រាជ្ញ​ដ៏ល្បី​ល្បាញរបស់​ចិន អស់​កាល​ជា​ច្រើន​ពាន់ឆ្នាំ​មក​ហើយ។អ្នកនិពន្ធ គឹម ចាន់ណា បកស្រាយ​សៀវភៅ ដែលលោក​និពន្ធ​​ ក្រោម​​ចំណង​ជើង​ថាខុងជឺ ទស្សនវិជ្ជា​សាមញ្ញមកជូនប្រិយមិត្តអ្នកស្តាប់ដើម្បីស្វែងយល់ឲ្យដឹងថា តើ​ខុងជឺមាន​ទស្សនៈ​យល់ឃើញបែប​ណា​ខ្លះ?

នៅតាម​ទីផ្សារ​គេអាច​រកឃើញ​សៀវភៅ​ដែល​មាន​ចំណង​ជើង​ថា ខុងជឺ ទស្សន​វិជ្ជា​សាមញ្ញ ដែល​បោះពុម្ព​ផ្សាយ​ដោយ​ក្រុមហ៊ុន ម៉ាញប៊ុក​របស់​អ្នក​និពន្ធ​គឹម ចាន់​ណា។

សៀវភៅ​ខុងជឺ ត្រូវបាន​បកប្រែ​និង​រៀបរៀង​ឡើង​ក្នុង​គោល​បំណង​បង្ហាញ​ពីទស្សនៈ និង​បង្ហាញ​ឲ្យឃើញ​ពីគំនិត​ប្រាជ្ញា​ដែលអាច​យកទៅ​ប្រើក្នុង​សភាព​ពិតនៃ​ជីវិត​បច្ចុប្បន្ន​បាន​យ៉ាង​ល្អ មិន​ហួស​សម័យ ដែល​ផ្តល់​ជា​ប្រយោជន៍​ដល់​អ្នក​អាន តាំងពី​ផ្នែក​ការងារចិញ្ចឹម​ជីវិត​ ការងារ​ផ្ទាល់​ខ្លួន និង​ការងារ​សង្គម។

លោក គឹម ចាន់​ណា បាន​ថ្លែង​ថា ទស្សន​វិជ្ជា​របស់​ខុងជឺ​ត្រូវបាន​មនុស្ស​ក្នុង​លោក​យក​មក អនុវត្ត​និង​សិក្សា ដោយសារ​តែជា​ទស្សន​វិជ្ជា​សកល​និង​ស្រប​តាម​ធម្មជាតិ។

ដោយឡែក​ទាក់ទង​ទៅនឹង​ប្រវត្តិ​របស់​អ្នកប្រាជ្ញ​ខុងជឺ​វិញ លោក គឹម​ចាន់ណាបាន​រៀប​រាប់ដោយ​សង្ខេបថា៖

(សំឡេង)

លោក គឹម ចាន់ណា​បានរៀប​រៀង​សៀវភៅ​ស្តីពី​ប្រវត្តិ​របស់​ខុងជឺ ជា​ភាសា​ខ្មែរ ដើម្បី​ទុក​បង្ហាញ ពល​រដ្ឋ​ខ្មែរ ឲ្យស្វែង​យល់ពី​ទស្សនៈ​ដ៏ល្អ​របស់​ខុងជឺ ដែល​បាន​បន្សល់​ទុកដល់​មនុស្ស​ក្នុង​លោក ជាការ​បង្រៀន​ប្រៀន​ប្រដៅ​ដោយ​មិន​សាប​សូន្យ។

លោក គឹមចាន់​ណាបាន​ថ្លែង​ថា ខុងជឺ​បាន​ប្រៀន​ប្រដៅ​មនុស្ស​ឲ្យចេះ​ពី​ភាព​កត្តញ្ញូ ការ​ដឹង​គុណ ហើយ​អ្វី​ដែល​គាត់​បង្រៀន​ត្រូវ​បាន​ក្លាយ​ជា​ប្រពៃណី​ទំនៀម​ទម្លាប់ ដែល​ជន​ជាតិ​ចិន បាន​អនុវត្ត​រហូត​មកទល់​សព្វថ្ងៃ។

(សំឡេង)

ខុងជឺ​គឺជា​អ្នកប្រាជ្ញ​របស់​ចិន​ដែល​មាន​អាយុកាល​ប្រហាក់​ប្រហែល​នឹង​ព្រះពុទ្ធ​ជាម្ចាស់ ។ គ្រប់​ពាក្យ​ពេចន៍ សំដី​សំដៅ ការ​រស់នៅ និង​ការ​ប្រព្រឹត្តិ​របស់​ខុងជឺ​ត្រូវ​បាន​គេ​កត់​ត្រា​ទុក និង​បាន​ក្លាយជា​ខ្លឹម​សារ​អប់រំ​ដល់​មនុស្ស​ជំនាន់​ក្រោយ។ នៅ​ក្នុង​សៀវភៅ ដែល​មាន​ចំណង​ជើង​ខុងជឺ  លោក គឹម ចាន់​ណា បាន​ចងក្រង​ជាសាច់​រឿងខ្លីៗ​ក្នុង​ន័យ​អប់រំ​ដើម្បី​ងាយ​ស្រួល​ដល់​អ្នកអាន។ លោក គឹម​ចាន់ណា​បានលើក​យក​សាច់រឿង​ខ្លះៗ​មក​ជម្រាប​ជូន​ដូចជា៖

(សំឡេង)

ចំណែក​សាច់រឿង​អប់រំ​ផ្សេង​ទៀត​មាន​ខ្លឹម​សារថា៖

(សំឡេង)

នៅក្នុង​សៀវភៅ​ដដែល​នេះ ក៏បាន​លើក​យក​សាច់រឿង​ខ្លីមួយ​ទៀត ដែល​បង្រៀន​មនុស្ស​ឲ្យ​យល់ពី ភាព​កំណាញ់​ស្វិត​របស់​មនុស្ស​ផងដែរ។

(សំឡេង)

យោង​លើ​សៀវភៅ​របស់​លោក គឹមចាន់ណា ខុងជឺ​ជា​មនុស្ស​ដែល​បាន​បង្រៀន​មនុស្ស​ឲ្យយល់​ពីតម្លៃ គុណធម៌​៨យ៉ាង ។ ទស្សន​វិជ្ជា របស់​ខុងជឺ ត្រូវបាន​អ្នកប្រាជ្ញ​លើលោក​ទទួល​ស្គាល់​ហើយអ្វី​ដែល​គួរ​ឲ្យកត់​សំគាល់​នោះ​គឺទស្សន​វិជ្ជា​របស់​ខុងជឺ​ ​ទស្សន​វិជ្ជា​របស់​ព្រះពុទ្ធ​ត្រូវ​បាន​គេរក​ឃើញ​ថា​មាន​ទិសដៅ​ដូចគ្នា​និង​ប្រហាក់​ប្រហែល​គ្នាច្រើន។

(សំឡេង)

លោក គឹម ចាន់ណា​បាន​កត់​សំគាល់ថា​ទ្រឹស្តី​ខុងជឺ​មាន​អត្ថន័យ​ខ្លឹមសារ​ភាគច្រើន​ជាការ​អប់រំ​មនុស្ស និង​សង្គម ដូច្នេះ​ជាការ​គួរឲ្យ​សោក​ស្តាយ​ប្រសិន​បើអ្នក​ទាំងឡាយ​ជាពិសេស​ក្នុងឋានៈ​ជាអ្នក​ដឹកនាំ មិនបាន​អានសៀវ​ភៅខុងជឺ។

(សំឡេង)

ជាចុង​ក្រោយ​លោក គឹមចាន់ណា បាន​ថ្លែងថា ការអាន​សៀវភៅ ក្រៅពី​ផ្តល់​ប្រយោជន៍​ជាការ​កំសាន្ត ការអាន​សៀវភៅ​បានផ្តល់​នូវ​ចំណេះ​ដឹង​និងការ​បង្ហាញ​ផ្លូវដល់​ជីវិត។ ក៏ប៉ុន្តែ​លោក​ក៏បាន​ណែនាំ​ឲ្យអ្នក​អាន​ទាំងឡាយ​ប្រើការ​ពិចារណា ដោយ​មិនមែន​គ្រាន់តែ​អាន​ដោយ​មិនពិចារណា​នោះ​ទេ៕

អ្នក​ចូល​រួម​ចំណែក

មាន សួស្ដី

អ្នក​យក​ព័ត៌មាន​

នាង មាន សួស្តី បាន​ចូល​បម្រើ​ការ​ងារ​ជា​អ្នក​យក​ព័ត៌មាន​ឲ្យ​វិទ្យុ​អូស្រ្តាលី​នៅ​ឆ្នាំ​២០០៦។ នាង​បាន​បញ្ចប់​មហាវិទ្យាល័យ​ច្បាប់​នៅ​សកល​វិទ្យាល័យ​ភូមិន្ទ​នីតិ​សាស្ត្រ និង​វិទ្យា​សាស្ត្រ​សេដ្ឋ​កិច្ច​នៅ​ឆ្នាំ ២០០២ ហើយ​បច្ចុប្បន្ន​កំពុង​បន្ត​រៀន​អនុ​បណ្ឌិត​ច្បាប់​នៅ​ទី​ក្រុង​ភ្នំពេញ។

មតិយោបល់

មតិ​យោបល់​នានា​របស់​លោក​អ្នក​ នឹង​មិន​​ត្រូវ​គេ​ដាក់​បង្ហាញ​ឲ្យ​ឃើញ​ឡើយ លុះ​ត្រា​ណា​តែ​មតិ​យោបល់​ទាំង​នោះ ត្រូវ​ឆ្លង​កាត់​ការ​ត្រួត​​ពិនិត្យ​ពី​បុគ្គលិក​របស់​យើង​​ជា​មុន​សិន។ តាម​រយៈ​ការ​បញ្ជូន​មតិ​យោបល់​របស់​លោក​អ្នក​មក​យើង​ខ្ញុំ​ មាន​ន័យ​​ថា​ លោក​​អ្នក​យល់​​ព្រម​អនុលោម​ទៅ​តាម​​គោល​ការណ៍​នៃ​ សេចក្ដី​ណែនាំ​លើ​ការ​ប្រើ​ប្រាស់​សហគមន៍​របស់​យើង​។

រឿង​​សំខាន់​ៗ​

អត្ថបទ​​​សំខាន់ៗ​​​ថែម​ទៀត​