កម្មវិធីថ្មីបង្អស់
ទិវាលំនៅដ្ឋានពិភពលោកនៅកម្ពុជានាទីកម្រងសង្គមនៅពេលនេះ ពិនិត្យមើលអំពីកង្វល់របស់ប្រជាពលរដ្ឋដែលរស់នៅ
សហគមន៍អ្នកក្រីក្រនៅទីក្រុងភ្នំពេញ នៅតែខ្វល់ខ្វាយអំពីលំនៅដ្ឋានរបស់ខ្លួនដែល
ប្រឈមនឹងការខ្វះខាតការផ្តល់សេវាសាធារណៈ ព្រមទាំងមានអារម្មណ៍តក់ស្លុតទៅ
នឹងការជម្លៀសចេញពីតំបន់ដែលខ្លួនរស់នៅ ខណៈពេលដែលបណ្តាប្រទេសនានា
នៅលើពិភពលោក កំពុងរៀបចំទិវាលំនៅដ្ឋានពិភពលោក។
7/10/2008
អ្នកនិពន្ធវ័យក្មេងបង្ហាញអំពីបញ្ហាសង្គមបច្ចុប្បន្នតាមដងប៉ាការបស់ខ្លួនប្រិយមិត្តអ្នកស្តាប់វិទ្យុអូស្រ្តាលីជាទីមេត្រី! នាទីកម្រងសង្គមរបស់យើងបាន
វិលមកជួបប្រិយមិត្តទាំងអស់ជាថ្មីម្តងទៀតហើយ ដោយនៅថ្ងៃនេះយើងនឹង
ក្រឡេកមើលអំពី អ្នកនិពន្ធវ័យក្មេងៗដែលចាប់ ផ្តើមឆ្លុះបញ្ចាំងបញ្ហាសង្គមខ្មែរ
នាពេលបច្ចុប្បន្នតាមរយៈស្នាដៃអក្សរសិល្ប៏របស់ខ្លួន។ តើអ្នកនិពន្ធវ័យក្មេងៗ
ដែលទើបនឹងលេចចេញមកនេះចង់បង្ហាញបញ្ហាអ្វីខ្លះនៅក្នុងសង្គមខ្មែរបច្ចុប្បន្ន
នេះ? ហើយតើពន្លកនៃវិស័យអក្សរសិល្ប៍ខ្មែរអាចរីកលូតលាស់ធំធាត់ឲ្យដូចជា
អក្សរសិល្ប៍បច្ចឹមប្រទេសបានដែររឺទេនៅពេលដែលចាប់ផើ្តមមានវត្តមានរបស់
អ្នកនិពន្ធខ្មែរវ័យក្មេងៗទាំងនេះ? លោក សាយ មុន្នី ជំរាបជូនពិស្តារអំពីរឿង
នេះពីទីក្រុងភ្នំពេញ៖
30/09/2008
ភាពភ័យខ្លាចរបស់យុវជនខ្មែរក្នុងការបញ្ចេញទស្សនៈទាក់ទងនឹងបញ្ហានយោបាយជួបប្រិយមិត្តទាំងអស់ជាថ្មីម្តងទៀតហើយដោយនៅថ្ងៃនេះយើងនឹងក្រឡេកមើលអំពី
ភាពភ័យខ្លាចរបស់យុវជនខ្មែរក្នុងការបញ្ចេញទស្សនៈដោយចំហទាក់ទងនឹងបញ្ហា
នយោបាយនិងការដឹកនាំស្រុកទេស។
រដ្ឋធម្មនុញ្ញនៃព្រះរាជាណាចក្រកម្ពុជាបានចែងថា ប្រជាពលរដ្ឋខ្មែរគ្រប់រូបមានសិទ្ធិ
បញ្ចេញមតិ ដោយសេរី។ តែទោះជាមានការធានាដោយច្បាប់កំពូលរបស់ប្រទេស
អំពីសិទ្ធិសេរីភាពក្នុងការបញ្ចេញមតិនេះក៏ដោយក៏ប្រជាជនខ្មែរភាគច្រើនហាក់ដូច
ជាមិនហ៊ានបញ្ចេញទស្សនៈយល់ឃើញរបស់ខ្លួនដោយចំហជុំវិញបញ្ហានយោបាយ
និងការដឹកនាំប្រទេសជាតិនោះទេ។ ជាងនេះទៀតសោត សូម្បីតែយុវនិស្សិតខ្លះ
ដែលគេតែងចាត់ទុកថាជាសសរទ្រូងសម្រាប់ប្រទេសជាតិ នោះក៏មានការភ័យខ្លាច
ក្នុងការបញ្ចេញទស្សនៈយល់ឃើញរបស់ខ្លួនដោយចំហ ជុំវិញបញ្ហា នយោបាយឬ
ការដឹកនាំប្រទេសជាតិនេះដែរ។
តើភាពភ័យខ្លាចរបស់យុវជនខ្មែរក្នុងការសម្តែងមតិជាសាធារណៈនេះកើតឡើង
ដោយសារអ្វី? ហើយតើភាពភ័យខ្លាចនេះអាចប៉ះពាល់ដល់ដំណើរការអភិវឌ្ឍ
ប្រទេសជាតិដែរឬទេ? លោក សាយ មុន្នី ជម្រាបជូនពិស្តារអំពីបញ្ហានេះពីទីក្រុង
ភ្នំពេញ៖
16/09/2008
ជីវិតរបស់អ្នកស្រី ម៉ម សុម៉ាលីអ្នកស្រី ម៉ម សុម៉ាលី គឺជានាយិការអង្គការប្រយុទ្ធប្រឆាំងការជួញដូរផ្លូវភេទមួយ
ឈ្មោះ Afesip។ ក្រោយពីបង្កើតអង្គការនេះមក អ្នកស្រីក៏ដូចជាអង្គការអ្នកស្រី
បានរងការគំរាមកំហែងនិងការវាយប្រហារ ជាច្រើន លើកច្រើនសារ។ តែទោះជា
យ៉ាងនេះក្តី អ្នកស្រី ម៉ម សុម៉ាលីនៅតែបន្តការងាររបស់អ្នកស្រីក្នុងការជួយសង្រ្គោះ
ស្រ្តីនិងកុមាររងគ្រោះដែលត្រូវគេជួញដូរផ្លូវភេទនេះដដែលរហូត មកទល់នឹងសព្វ
ថ្ងៃនេះ។
9/09/2008
ការស្តារយុវនិតិសម្បទានារីរងគ្រោះដោយអំពើកេងប្រវ័ញ្ចផ្លូវភេទក្នុងខេត្តសៀមរាបខេត្តសៀមរាបត្រូវគេដឹងថាជាទិសដៅទេសចរណ៍ដែលទាំងភ្ញៀវជាតិ និងអន្តរជាតិទៅ
លេងច្រើនជាងគេនៅក្នុងប្រទេសកម្ពុជាដោយសារតែខេត្តនោះជាជំរកនៃប្រសាទបុរាណ
ខ្មែរដ៏ច្រើនស្អេកស្កះជាពិសេសគឺប្រាង្គប្រាសាទអង្គរវត្តដ៏ល្អវិចិត្រដែលជានិមិត្តរូបរបស់
ប្រទេសកម្ពុជា។ ប៉ុន្តែមន្រ្តីសង្គមស៊ីវិលក៏ដូចជាអង្គការក្រៅរដ្ឋាភិបាលខ្លះដែលធ្វើការ
ងារប្រយុទ្ធប្រឆាំងនឹងអំពើជួញដូរមនុស្សបានសំដែងការព្រួញបារម្ភចំពោះការកើនឡើង
នូវសកម្មភាពអាជីវកម្មផ្លូវភេទនៅក្នុងខេត្តនោះ ក្នុងខណៈពេលដែលស្រ្តី និងកុមារីខ្មែរ
មួយចំនួនដែលបានរងគ្រោះដោយអំពើកេងប្រវ័ញ្ចផ្លូវភេទនេះបានកំពុងតែព្យាយាមស្តារ
យុវនិតិសម្បទានិងកសាងជីវិតរបស់ពួកគេឡើងវិញ។
26/08/2008
ជីវិតជនរងគ្រោះដោយអំពើជួញដូរផ្លូវភេទនៅកម្ពុជានៅក្នុងប្រទេសកម្ពុជា គេដឹងថាមានស្រ្តីនិងកុមាររាប់ពាន់នាក់បានក្លាយជាជន
រងគ្រោះដោយសារអំពើជួញដូរផ្លូវភេទ ហើយអង្គការក្រៅរដ្ឋាភិបាលមួយឈ្មោះ
Afesip បានកំពុងជួយសង្រ្គោះពួកគេទាំងនោះ និងផ្តល់ការថែទាំក៏ដូចជាការ
បណ្តុះបណ្តាលដល់ពួកគេដើម្បីស្តារជីវិតរបស់ពួកគេឡើងវិញ។ លោក សាយ
មុន្នី នឹងជំរាបជូនពិស្តារអំពី រឿងនេះ ពីទីក្រុងភ្នំពេញ។
19/08/2008
បញ្ហាអនាម័យនៅតាមទីផ្សារធំៗក្នុងក្រុងភ្នំពេញបញ្ហាសំរាមនៅតាមទីផ្សារក្នុងក្រុងភ្នំពេញបានកំពុងប៉ះពាល់ប្រជាពលរដ្ឋអ្នកលក់ដូរ
ក៏ដូចជាអ្នកទិញនៅទីនោះយ៉ាងដូចម្តេចខ្លះ?ហើយតើខាងណាជាអ្នកទទួលខុសត្រូវ
ក្នុងការរក្សាអនាម័យនៅតាមទីផ្សារទាំងនោះ?
12/08/2008
ក្រុមកីឡាអូឡាំពិកខ្មែរទៅប្រកួតនៅប៉េកាំង២០០៨នៅក្នុងសប្ដាហ៍នេះ វិទ្យុអូស្រ្ដាលីបានជួបសំភាសន៍នឹងកីឡាករខ្មែរដែលចេញដំណើរទៅ
ប្រទេសចិន ដើម្បីចូលរួមការប្រកួតកីឡាអូឡាំពិក ដែលនឹងចាប់ផ្ដើមបើកជាផ្លូវការនៅ
ថ្ងៃសុក្រ ទី៨ ខែសីហា ឆ្នាំ២០០៨ (08-08-08)។ សូមអញ្ជើញស្ដាប់អំពីស្ថានភាពកីឡាករខ្មែរ។
5/08/2008
ផលប៉ះពាល់នៃការបិទទីលានចាក់សំរាមរបស់ទីក្រុងភ្នំពេញប្រិយមិត្តអ្នកស្តាប់វិទ្យុអូស្រ្តាលីជាទីមេត្រី នាទីកម្រងសង្គមរបស់យើង បានវិលមកជួប
ប្រិយមិត្តទាំងអស់ជាថ្មីម្តង ទៀតហើយ ដោយ នៅថ្ងៃនេះយើងនឹងក្រឡេកមើលអំពី
ផលប៉ះពាល់នៃការបិទទីលានចាក់សំរាមស្ទឹង មានជ័យ របស់ទីក្រុងភ្នំពេញ។
ទីក្រុងភ្នំពេញបានប្រកាសអំពីគម្រោងបិទទីលានចាក់សំរាមរបស់ខ្លួនដែលស្ថិតនៅ
ក្នុងសង្កាត់ស្ទឹងមានជ័យ នៅ ដំណាច់ឆ្នាំ២០០៨នេះ។ ប៉ុន្តែប្រជាពលរដ្ឋក្រីក្រជាច្រើន
រយគ្រួសារដែលកំពុងរស់នៅម្តុំទីលានចាក់សំរាមនោះ ត្រូវ គេរាយការណ៍ថាកំពុង ពឹងផ្អែកលើប្រាក់ចំណូលបន្តិចបន្តួចដែលបានមកពីសំរាមដែលពួក គេដើររើសនៅ
ទីលាន នោះ។ តើគម្រោងរបស់សាលាក្រុងភ្នំពេញក្នុងការបិទទីលានចាក់សំរាមស្ទឹង
មានជ័យនេះ អាចនឹង មាន ផលប៉ះ ពាល់អ្វីខ្លះដល់អ្នកដែលកំពុងរស់នៅដោយពឹង
ផ្អែកលើសំរាមនោះ? ហើយតើសាលាក្រុងភ្នំពេញនឹងដោះស្រាយបញ្ហានេះដូចម្តេច
ដែរ?
ថ្ងៃនេះ លោក សាយ មុន្នី នឹងជំរាបជូនពិស្តារអំពី បញ្ហាទាំងនេះ ពីទីក្រុងភ្នំពេញ។
29/07/2008
សារៈសំខាន់របស់យុវជនក្នុងការបោះឆ្នោតនៅរំលងតែ៤ថ្ងៃទៀតប៉ុណ្ណោះ ប្រជាជនកម្ពុជាជាង៨លាននាក់ត្រូវគេរំពឹងថានឹងចេញទៅ បោះឆ្នោតដើម្បីជ្រើសរើសអ្នកតំណាងរាស្រ្តដែលខ្លួនពេញចិត្តហើយ។ ក្នុងចំណោមអ្នក
ដែល មានសិទ្ធិបោះឆ្នោតទាំងជាង៨លាននាក់នោះគេសង្កេតឃើញថាភាគច្រើនគឺជា
យុវជនដែល មានវ័យចន្លោះពី១៨ ដល់ ៣០ឆ្នាំ។ ចំនួនភាគច្រើននៃយុវជននេះបានក្លាយ
ជា ចំនុចដ៏គួរចាប់អារម្មណ៍របស់គណបក្សនយោបាយធំៗមួយចំនួនដែលកំពុងស្វះស្វែង
រកសំឡេងឆ្នោតគាំទ្រពីប្រជាពលរដ្ឋដែលជាម្ទាស់ឆ្នោតនោះ។ តើហេតុអ្វីបានជាយុវជន
ចាំបាច់ត្រូវចូលរួមនៅ ក្នុងការបោះឆ្នោត ហើយតើចំនួនដ៏ច្រើននៃយុវជននេះអាចមាន
ឥទ្ធិពលដល់លទ្ធ ផលនៃការបោះឆ្នោតជាតិនាពេលដ៏ខ្លីខាងមុខនេះដែរឬទេ?
នៅថ្ងៃនេះ លោក សាយ មុន្នី នឹងជំរាបជូនពិស្តារអំពី បញ្ហាទាំងនេះ ពីទីក្រុងភ្នំពេញ។
22/07/2008
