|
 |
|
|
 |
រៀនភាសាអង់គ្លេស |
|
ភាសាអង់គ្លេសសម្រាប់ទំនាក់ទំនងការងារ
កម្មវិធីសិក្សាភាសាអង់គ្លេសកំរិតបឋមនេះរៀបចំឡើងដើម្បីជួយលោកអ្នកក្នុងការប្រាស្រ័យទាក់
ទងអោយបានកាន់តែងាយស្រួលជាមួយភ្ញៀវដែលនិយាយភាសាអង់គ្លេសពាក់ព័ន្ធនឹងទំនាក់ការ ងារនៅបស្ចិមប្រទេស។ អត្ថបទមេរៀនទាំង២៦ភាគដែលមានការបកប្រែបទសន្ទនានិងការអធិប្បាយ ពន្យល់ជាខ្មែរផងដែរនោះ មានអមទៅដោយឯកសារជំនួយមេរៀននិងលំហាត់ផ្តល់ជូនជាទម្រង់ PDF ដើម្បីជួយសំរួលដល់ការសិក្សារបស់លោកអ្នក។  http://www.radioaustralia.net.au/podcast/khmer/efb.xml
មេរៀនទី១ ៖ ការជួបក្រុមការងារ
មេរៀនទី១នេះណែនាំឲ្យលោកអ្នកស្គាល់ក្រុមការងារមកពីក្រុមហ៊ុនផ្គត់ផ្គង់ស្បៀង អាហារហេល(Hale) និងហាតធី (Hearty។ ជាមួយគ្នានេះ លោកអ្នកនឹងរៀននិយាយ ពីរបៀបណែនាំខ្លួនលោកអ្នកនិងការងារដែលលោកអ្នកធ្វើជាសង្ខេបតែច្បាស់លាស់។
មេរៀនទី២ ៖ ការជួបក្រុមការងារ(បន្ត)
មេរៀនទី២នេះ ពន្យល់អំពីពាក្យពេចន៍កាត់មួយចំនួនដែលមានការនិយមប្រើក្នុងការប្រា ស្រ័យទាក់ទងការងារនិងកំណត់សម្គាល់វប្បធម៌ទាក់ទងនិងការនិយាយបញ្ឆិតបញ្ឆៀង ក្នុងន័យកំប្លែងលេងរបស់ប្រជាជនអូស្រ្តាលីព្រមទាំងការចាប់ផ្តើមកិច្ចសន្ទនា។
មេរៀនទី៣ ៖ បទសន្ទនាតាមទូរស័ព្ទ
មេរៀនទី៣នេះបង្ហាត់ឲ្យលោកអ្នករៀនពីរបៀបសាកសួររកនរណាម្នាក់តាមទូរស័ព្ទ និងរបៀបផើ្ញទុកសារជាបណ្តាំ។ លោកអ្នកក៏នឹងសិក្សាពីរបៀបសំណូមពរឲ្យរង់ចាំ និងស្នើសុំឲ្យភាគីម្ខាងទៀតទូរស័ព្ទត្រឡប់មកលោកអ្នកវិញ និងរបៀបរៀបចំខ្លឹមសារ ការងារឬពាក្យពេចន៍ឲ្យបានសមរម្យមុននឹងចាប់ផ្តើមប្រើទូរស័ព្ទ។ លោកអ្នកក៏នឹង ហាត់រៀនសួរបញ្ជាក់ព័ត៌មានដែលគូសន្ទនាទើបនឹងបាននិយាយ នៅពេលលោកអ្នក យល់មិនច្បាស់ ព្រមទាំងការចៀសវាងប្រើប្រាស់ឃ្លាចំនួន ៥ប្រភេទ ដើម្បីបញ្ជាក់ពី សុជីវធម៌ក្នុងការប្រាស្រ័យទំនាក់ទំនងការងារតាមទូរស័ព្ទ។
មេរៀនទី ៤ ៖ បទសន្ទនាតាមទូរស័ព្ទ(បន្ត)
មេរៀនទី៤នេះបង្ហាត់លោកអ្នកពីរបៀបណែនាំខ្លួន និងបញ្ជាក់ពីគោលបំណង របស់លោកអ្នកតាមទូរស័ព្ទ។ លោកអ្នកក៏នឹងមានឱកាសស្រង់យកបញ្ជីពាក្យ ពេចន៍នៃការប្រើឃ្លា ឬប្រយោគដ៏មានប្រយោជន៍ សម្រាប់ទំនាក់ទំនងការងារ តាមទូរស័ព្ទ របៀបផ្ដល់អនុសាសន៍ និងរបៀបបង្ហាញពីការគួរសមនៅពេល សួរបញ្ជាក់គោលបំណងរបស់ភាគីម្ខាងទៀត។
មេរៀនទី ៥ ៖ ទំនាក់ទំនងជាលើកដំបូង
មេរៀនទី៥នេះបង្ហាត់លោកអ្នកពីរបៀបណែនាំខ្លួនឲ្យគេស្គាល់ និងរបៀបឆ្លើយ តបទៅនឹងការណែនាំខ្លួន។ លោកអ្នកក៏នឹងហាត់រៀននិយាយស្នើសុំឲ្យគេជួយ ក៏ដូចជាការស្នើខ្លួនផ្តល់ជំនួយទៅគេវិញផងដែរ។
មេរៀនទី៦ ៖ ទំនាក់ទំនងជាលើកដំបូង (បន្ដ)
នៅក្នុងមេរៀនទី៦នេះ លោកអ្នកនឹងសិក្សាពីរបៀបនិយាយស្របជាមួយដៃគូសន្ទនា និងរបៀបឆ្លើយតបទៅនឹងសំណួរបង្កប់ន័យមួយចំនួន មានដូចជា “Do you mind...?” និងអនុវត្ដប្រយោគបញ្ចប់ការសន្ទនាមួយចំនួនផងដែរ។
មេរៀនទី៧ ៖ “ការតាមសាកសួរយកព័ត៌មានបន្ថែម”
ក្នុងមេរៀនទី៧នេះ លោកអ្នកនឹងហាត់រៀនពីរបៀបណែនាំខ្លួនសាជាថ្មី និងពីរបៀប ឆ្លើយតបទៅនឹងប្រយោគយល់ស្រប និងប្រយោគបដិសេធន៍។ លោកអ្នកក៏នឹង សិក្សាពីការប្រើពាក្យសាមញ្ញដូចជា “now” ជាតម្រុយផ្ដើមចំណុចសំខាន់នៃការ សន្ទនា និងសិក្សាពីរបៀបច្រានចោលសេចក្តីអញ្ជើញ ដោយប្រើពាក្យសម្តីគួរសម។
មេរៀនទី៨ ៖ ការជួបមុខគ្នា
ក្នុងមេរៀនទី៨នេះ លោកអ្នកនឹងរៀនពាក្យពេចន៍ ឃ្លាប្រយោគសម្រាប់ប្រើប្រាស់នៅកន្លែងទទួលភ្ញៀវ និងសម្រាប់ការជួបមុខគ្នា។ ក្រៅពីនេះ លោកអ្នកនឹងរៀនពីរបៀបណែនាំមនុស្សផងទាំងពួងឲ្យបាន ស្គាល់គ្នា និងរបៀបនិយាយបញ្ជាក់ផែនការសកម្មភាព។
មេរៀនទី៩ ៖ ការពិភាក្សារឿងការងារ
នៅក្នុងមេរៀនទី៩នេះ លោកអ្នកនឹងហាត់សួរពីតម្រូវការរបស់អតិថិជន និងសិក្សា ពីរបៀបលើកយកប្រធានបទការងារមកនិយាយ ។
មេរៀនទី១០ ៖ ការពិភាក្សារឿងការងារ(បន្ត)
ក្នុងមេរៀនថ្ងៃនេះ យើងនឹងបន្តស្វែងរកប្រធានបទ ដើម្បីជជែកពីការងារជាបន្ដទៀត។ លោកអ្នកក៏នឹងត្រូវហាត់រៀនពីរបៀបផ្សេងៗគ្នានៃការនិយាយលាគ្នា និងរបៀបទទួល យក ក៏ដូចជាការបដិសេធជំនួយរបស់ដៃគូសន្ទនាប្រកបដោយចរិយាគួរសមនិងថ្លៃថ្នូរ។
មេរៀនទី១១៖ ការជួបប្រជុំ
នៅមេរៀនទី១១នេះ លោកអ្នកនឹងសិក្សាពីតួនាទីរបស់ប្រធានអង្គប្រជុំ, របៀបបញ្ជាក់ នូវគោលបំណងនៃកិច្ចប្រជុំ និងការប្រកាសពីរបៀបវារៈនៃការប្រជុំ។ ក្រៅពីនេះលោក អ្នកក៏នឹងសិក្សាពីរបៀបនិយាយកាត់សំដី និងរបៀបនិយាយតបក្នុងករណីមានការ និយាយកាត់សំដី និងរបៀបសង្ខេបខ្លឹមសារឡើងវិញនៃការពិភាក្សា ឬក៏សម្តីរបស់ នរណាម្នាក់។
មេរៀនទី១២៖ ការជួបប្រជុំ (បន្ដ)
នៅក្នុងមេរៀនទី១២នេះ លោកអ្នកនឹងស្វែងយល់ពីនីតិវិធីនៃការប្រជុំបន្ដទៀត។ លោក អ្នកនឹងហាត់រៀនពីរបៀបបង្ហាញការឯកភាព និងការជំទាស់ដោយគួរសមផងដែរ។ លើសពីនេះលោកអ្នកក៏នឹងហាត់រៀនពីរបៀបនិយាយស្នើសុំបន្តកិច្ចប្រជុំ និងរបៀបបិទ កិច្ចប្រជុំផងដែរ។
មេរៀនទី១៣៖ ការធ្វើបទបង្ហាញ (ភាគទី១)
ក្នុងមេរៀនទី១៣នេះ លោកអ្នកនឹងសិក្សារបៀបណែនាំឲ្យស្គាល់អ្នកធ្វើបទបង្ហាញជា លក្ខណៈផ្លូវការ។ លោកអ្នក ក៏នឹងរៀនពីរបៀបរៀបចំសម្រាប់ការធ្វើបទបង្ហាញ និង របៀបប្រាប់អ្នកចូលរួម ពីគម្រោងគោល ឬដំណើរការនៃការធ្វើបទបង្ហាញផងដែរ។
មេរៀនទី១៤៖ ការធ្វើបទបង្ហាញ ផ្នែកទី១ (ភាគបន្ត)
នៅក្នុងមេរៀនទី១៣ លោកអ្នកបានសិក្សាពីរបៀបរៀបចំធ្វើបទបង្ហាញ របៀបណែនាំ អ្នកធ្វើបទបង្ហាញ ព្រមទាំងរបៀបនិយាយប្រាប់អ្នកចូលរួមពីគម្រោងនៃការធ្វើបទ បង្ហាញ។ ក្នុងមេរៀនទី១៤នេះ លោកអ្នកនឹងរៀនពីរបៀបបញ្ចប់វគ្គនីមួយៗ និងរបៀប ពន្យល់ប្រសិនឧបករណ៍ណាមួយខូច ឬមិនដំណើរការ។
មេរៀនទី១៥៖ “ការធ្វើបទបង្ហាញ ផ្នែកទី២”
ក្នុងមេរៀនទី១៥នេះ លោកអ្នកនឹងហាត់រៀននូវរបៀបណែនាំអំពីរូបភាពជំនួយក្នុងការ ធ្វើបទបង្ហាញ របៀបពិពណ៌នាព័ត៌មាននៅលើក្រាហ្វ និងរបៀបឆ្លើយតបសំណួរដែល ឥតព្រាងទុក។ ហើយលោកអ្នក ក៏នឹងហាត់រៀនពីរបៀបបង្ហាញព័ត៌មានតាមចំណុច មួយៗ ទៅតាមលេខរៀង ដោយរលូនផងដែរ។
មេរៀនទី១៦ ៖ ការធ្វើបទការបង្ហាញផ្នែកទី២ (ភាគបន្ត)
ក្នុងមេរៀនថ្ងៃនេះ លោកអ្នកនឹងហាត់រៀនពីរបៀបរៀបចំវគ្គសំណួរ និងចម្លើយ។ ក្រៅពីនេះ លោកអ្នកក៏នឹងរៀនពីរបៀបបញ្ចប់បទបង្ហាញផងដែរ។
មេរៀនទី១៧ ៖ មេរៀនទី១៧៖ ការចរចា ផ្នែកទី១
ក្នុងមេរៀនទី១៧នេះ លោកអ្នកនឹងហាត់រៀនពីរបៀបរៀបចំការចរចាឲ្យបានជោគជ័យ។ លោកអ្នកនឹងត្រូវអនុវត្ដពីរបៀបរៀបចំកន្លែងប្រជុំដែលមានលក្ខណៈសមប្រកប របៀប ណែនាំអ្នកសង្កេតការ និងរបៀបស្នើសុំការឯកភាពចំពោះរបៀបវារៈ។ លោកអ្នកក៏នឹង សិក្សាពីការផ្តល់ព័ត៌មានគោលនៃការចរចាផងដែរ។
មេរៀនទី១៨៖ ការចរចា ផ្នែកទី១ (បន្ត)
ក្នុងមេរៀនថ្ងៃនេះ លោកអ្នកនឹងហាត់រៀនពីរការបញ្ជាក់លក្ខខណ្ឌរបស់ក្រុមហ៊ុនរបស់ លោកអ្នក របៀបសួរបញ្ជាក់ចំណុចមិនច្បាស់លាស់ ព្រមទាំងហាត់រៀនអំពីរបៀប ឆ្លើយតបនឹងសំណើរបស់ដៃគូជំនួញ។
មេរៀនទី១៩៖ ការចរចា ផ្នែកទី២
នៅក្នុងមេរៀនទី១៩នេះ លោកអ្នកនឹងហាត់រៀនពាក្យពេចន៍ និងឃ្លាប្រយោគ ទាក់ទងនឹងការជជែកតថ្លៃ ដោយរួមបញ្ចូលការយល់ព្រមទទួល និងការបដិសេធ សំណើទាំងឡាយ។
មេរៀនទី២០៖ ការចរចា ផ្នែកទី២(បន្ត)
នៅក្នុងមេរៀននេះ លោកអ្នកនឹងរៀនពីររបៀបនិយាយដោះស្រាយការខ្វែងគំនិត និងរបៀបនិយាយបញ្ចប់ការចរចាគ្នា។
មេរៀនទី២១៖ វិបត្តិ និងការតវ៉ា
ក្នុងមេរៀនទី២១នេះ លោកអ្នកនឹងបានហាត់រៀនពីវិធីដោះស្រាយបញ្ហា ពាក់ព័ន្ធនឹងការយឺតយ៉ាវនៃបញ្ជូនទំនិញតាមការបញ្ជាស្នើទិញ ឬការបង់ លុយយឺត និងរបៀបផ្តល់ព័ត៌មានមិនល្អ ព្រមទាំងការបញ្ចេញប្រតិកម្មទៅ នឹងដំណឹងមិនល្អនេះ។
មេរៀនទី២២៖ វិបត្តិ និងការតវ៉ា (បន្ត)
ក្នុងមេរៀនថ្ងៃនេះ លោកអ្នកនឹងបានហាត់រៀនពីរបៀបពន្យល់បញ្ហា និងរបៀបផ្ដល់ នូវដំណោះស្រាយបញ្ហា។ ហើយលោកអ្នក ក៏នឹងហាត់រៀនផងដែរនូវប្រយោគដែល បង្ហាញការយល់ស្រប ឬមិនយល់ស្របទៅនឹងសំណើអ្វីមួយ។
មេរៀនទី២៣៖ ការអបអរសាទរ (បន្ត)
នៅក្នុងមេរៀនទី២៣នេះ លោកអ្នកនឹងហាត់រៀនពីរបៀបអញ្ជើញដៃគូជំនួញទៅ ពិសាអាហារពេលល្ងាច និងរបៀបឆ្លើយតបចំពោះការអញ្ជើញនេះ។ លោកអ្នក ក៏នឹងរៀននូវពាក្យពេចន៍ ក៏ដូចជាឃ្លាប្រយោគសម្រាប់ការណែនាំមុខម្ហូប និងហៅម្ហូបក្នុងភោជនីយដ្ឋាន។
មេរៀនទី២៤៖ ការអបអរសាទរ (បន្ត) នៅអាកាសយានដ្ឋាន
ក្នុងមេរៀនទី២៤សម្រាប់ថ្ងៃនេះ លោកអ្នកនឹងបានសិក្សាពីរបៀបពន្យល់បញ្ហា និងរបៀបលើកជាសំណើដោះស្រាយបញ្ហា។ លោកអ្នកក៏នឹងហាត់អនុវត្តនូវឃ្លា ប្រយោគមួយចំនួន ដែលបង្ហាញពីការឯកភាព ឬបដិសេធចំពោះសំណើផងដែរ។
មេរៀនទី២៥៖ នៅអាកាសយានដ្ឋាន
ក្នុងមេរៀនទី២៥នេះ លោកអ្នកនឹងហាត់រៀនពាក្យពេចន៍ និងឃ្លាប្រយោគមួយ ចំនួនទាក់ទងនឹងការចុះឈ្មោះដើម្បីឡើងយន្តហោះ។ ហើយលោកអ្នក ក៏នឹង ហាត់រៀនផងដែរពីរបៀបសួរសំណួរទាក់ទង នឹងការលុបចោល ក៏ដូចជា ការពន្យារពេលនៃការហោះហើរ។
មេរៀនទី២៦៖ នៅអាកាសយានដ្ឋាន(បន្ត)
ក្នុងមេរៀនទី២៦ ដែលជាភាគបញ្ចប់ លោកអ្នកនឹងហាត់រៀនពីរបៀបនិយាយលាគ្នា និងការណែនាំចុងក្រោយខ្លះៗស្ដីពីការធ្វើជំនួញជាមួយដៃគូបស្ចិមប្រទេស។
មេរៀនទី១ ៖ ការជួបក្រុមការងារ(បន្ត)៍
កម្មវិធីសិក្សាភាសាអង់គ្លេសកំរិតបឋមនេះរៀបចំឡើងដើម្បីជួយលោកអ្នកក្នុងការសន្ទនាអោយបានកាន់តែ
ងាយស្រួលជាមួយភ្ញៀវដែលនិយាយភាសាអង់គ្លេសពាក់ព័ន្ធនឹងវិស័យទេសចរណ៍។ អត្ថបទមេរៀនទាំង២៦ ភាគដែលមានការបកប្រែបទសន្ទនា និងការអធិប្បាយពន្យល់ជាខ្មែរផងដែរនោះ មានអមទៅដោយឯកសារ ជំនួយមេរៀននិងលំហាត់ផ្តល់ជូនជាទម្រង់ PDF ដើម្បីជួយសំរួលដល់ការសិក្សារបស់លោកអ្នក។ http://www.radioaustralia.net.au/podcast/khmer/eft.xml
មេរៀនទី១៖ ការទទួលសំណើកក់បន្ទប់សណ្ឋារគារទុកជាមុនតាមទូរស័ព្ទ
ក្នុងមេរៀនទី១នេះ លោកអ្នកនឹងរៀនអំពីការណែនាំខ្លួនតាមទូរស័ព្ទ ព្រមទាំងពេល វេលាសំរាប់ប្រើឃ្លា good morning, good afternoon និង good evening។ លោកអ្នក នឹងហាត់និយាយថ្ងៃខែឆ្នាំព្រមទាំងអក្ខរក្រមវិទ្យុអន្ដរជាតិ ហើយលោកអ្នកក៏នឹងហាត់ រៀននូវរបៀបហៅឈ្មោះនិងគោរមងាររបស់ភ្ញៀវ និងពិធីជាផ្លូវការក្នុងការប្រើពាក្យ “Yes” ។
មេរៀនទី២៖ ការទទួលសំណើកក់បន្ទប់សណ្ឋាគារទុកជាមុនតាមទូរស័ព្ទ (បន្ត)
នៅក្នុងមេរៀនទី២នេះ លោកអ្នកនឹងរៀនប្រើពាក្យ “and” ជាការបន្ទន់សំណួរ និង របៀបសួរបញ្ជាក់ឲ្យបានច្បាស់នូវអ្វីដែលនរណាម្នាក់កំពុងនិយាយ និងការឆ្លើយតប នឹងឃ្លា “Thank you” ។
មេរៀនទី៣៖ ការចុះឈ្មោះនៅសណ្ឋាគារ
នៅក្នុងមេរៀនទី៣នេះ លោកអ្នកនឹងរៀនពីរបៀបរបបទទួលភ្ញៀវនិងរបៀបនិយាយ លេខបន្ទប់។ លោកអ្នកនឹងហាត់និយាយពាក្យបង្រួញនានាដូចជា “I’ll” ព្រមទាំងពាក្យ “We’ll” និងអាយតនិបាតបញ្ជាក់ពីទីកន្លែង។ លោកអ្នកក៏នឹងហាត់រៀនរបៀបគួរសម ក្នុងការនិយាយពាក្យ “បាទ/ចាស” និងពាក្យថា “ទេ” ។
មេរៀនទី៤៖ ការចុះឈ្មោះនៅសណ្ឋាគារ (បន្ត)
នៅក្នុងមេរៀនទី៤នេះ លោកអ្នកនឹងរៀនប្រយោគនានា មានដូចជា “Is that OK?” ដើម្បីបញ្ជាក់ឲ្យបានច្បាស់ ថាតើភ្ញៀវមានការពេញចិត្ដនឹងអ្វីដែលលោកអ្នកបានស្នើ ឡើងឬទេ។ យើងក៏នឹងពិនិត្យអំពីពេលដែលត្រូវនិយាយប្រយោគ “there is” និង ប្រយោគ “there are” ។លោកអ្នកក៏នឹងហាត់រៀនការប្រើពាក្យ “Can” និងពាក្យ “Could” ផងដែរ។
មេរៀនទី៥៖ ការផ្តល់យោបល់ណែនាំ
នៅក្នុងមេរៀនទី៥នេះ លោកអ្នកនឹងរៀនអំពីការផ្តល់យោបល់ណែនាំទៅតាមសំណើរបស់ភ្ញៀវ។ លោកអ្នកនឹងហាត់រៀនឃ្លាទាំងឡាយដែលបង្ហាញអំពីទីកន្លែងជិតៗ ហើយនិងហាត់រៀនអំពីរបៀបផ្តល់ចម្លើយវិជ្ជមានខ្លីៗផងដែរ។
មេរៀនទី៦៖ ការផ្តល់យោបល់ណែនាំ(បន្ត)
នៅក្នុងមេរៀនទី៦នេះ លោកអ្នកនឹងពង្រីកលើការផ្តល់មតិណែនាំដែលលោកអ្នកបាន រៀនពីមេរៀនមុន។ មេរៀននេះក៏នឹងផ្ដល់តម្រុយដល់លោកអ្នកផងដែរនូវរបៀប បញ្ចេញសម្លេងដ៏មានសារប្រយោជន៍។
មេរៀនទី៧៖ នៅក្នុងភោជនីយដ្ឋាន
នៅក្នុងមេរៀនទី៧នេះ លោកអ្នកនឹងរៀនពីរបៀបសាកសួរប្រសិនបើមានបញ្ហាអ្វីកើត ឡើងឬក៏របៀបសុំទោសសំរាប់កំហុសណាមួយ។
មេរៀនទី៨៖ នៅក្នុងភោជនីយដ្ឋាន(បន្ត)
នៅក្នុងមេរៀនទី៨នេះ លោកអ្នកនឹងហាត់រៀនអំពីរបៀបសាកសួរនូវអ្វីដែលភ្ញៀវចូល ចិត្ដ ព្រមទាំងរបៀបពន្យល់សេចក្តីនៅក្នុងវិក្កយបត្រផងដែរ។
មេរៀនទី៩៖ ការណែនាំបង្ហាញទិសដៅ
នៅក្នុងមេរៀនទី៩នេះ លោកអ្នកនឹងរៀនពីរបៀបចង្អុលបង្ហាញផ្លូវ។ លោកអ្នកក៏នឹង រៀនពីរបៀបផ្តល់មតិណែនាំ និង របៀបឆ្លើយតបនៅពេលមានគេសួរបញ្ជាក់ ហើយ លោកអ្នកក៏នឹងហាត់រៀនធ្វើការប៉ាន់ស្មានពីរយៈពេលវេលាផងដែរ។
មេរៀនទី១០៖ ការណែនាំបង្ហាញទិសដៅ(បន្ត)
នៅក្នុងមេរៀនទី១០នេះ លោកអ្នកនឹងឮការនិយាយសាចុះសាឡើងអំពីទិសដៅ ហើយ លោកអ្នកនឹងហាត់រៀនសួរសំណួរក្នុងឃ្លាសន្ទនាខ្លះៗ ដូចជាសំណួរថាតើនរណាម្នាក់ មកពីប្រទេសណាមួយជាដើម។ ហើយលោកអ្នកក៏នឹងរៀនអំពីរបៀបប្រាប់អតិថិជននូវ តម្លៃអ្វីមួយ ឬថ្លៃធ្វើដំណើរផងដែរ។
មេរៀនទី១១៖ ការទិញទំនិញឬអីវ៉ាន់
នៅក្នុងមេរៀនទី១១ លោកអ្នកនឹងហាត់រៀនឃ្លា “Can I help you?” ជាថ្មីម្ដងទៀត នៅ ក្នុងបរិបទនៃការទិញទំនិញឬអីវ៉ាន់។ លោកអ្នកនឹងរៀនឃ្លាប្រយោគមានប្រយោជន៍ខ្លះ ៗដែលគេប្រើនៅក្នុងហាងលក់ទំនិញ ព្រមទាំងរបៀបរៀបរាប់ពីទំនិញនិងតម្លៃទំនិញ។
មេរៀនទី១២៖ ការទិញទំនិញឬអីវ៉ាន់(បន្ត)
នៅក្នុងមេរៀនទី១២នេះ លោកអ្នកនឹងឮរបៀបនិយាយធានាប្រាប់អតិថិជនថា លោក អ្នកអាចរង់ចាំបាននៅខណៈដែលភ្ញៀវធ្វើការសំរេចចិត្ដ។ លោកអ្នកក៏នឹងហាត់រៀន របៀបសួរនាំអតិថិជនឲ្យទៅជាមួយលោកអ្នក ព្រមទាំងឃ្លានានាដែលនឹងជួយលោក អ្នកដើម្បីធ្វើកិច្ចការដកប្រាក់តាមប័ណ្ណឥណទាន។
មេរៀនទី១៣៖ អ្នកនាំភ្ញៀវដើរកំសាន្ដ
នៅក្នុងមេរៀនទី១៣នេះ លោកអ្នកនឹងហាត់រៀនពន្លាតឃ្លាប្រយោគខ្លះៗដូចជា “Can I help you?” និងឃ្លាសំដែងមតិណែនាំ។ លោកអ្នកក៏នឹងរៀនឃ្លាដ៏មានប្រយោជន៍មួយ ផងដែរ ដើម្បីបន្ទន់សំណើ ហើយលោកអ្នកក៏នឹងហាត់រៀននិយាយអំពីពេលម៉ោងផង ដែរ។
មេរៀនទី១៤៖ អ្នកនាំភ្ញៀវដើរកំសាន្ដ(បន្ត)
នៅក្នុងមេរៀនទី១៤នេះ លោកអ្នកនឹងរៀនពីវិធីណែនាំខ្លួនជាផ្លូវការនិងការណែនាំខ្លួន តាមរបៀបសាមញ្ញដែលមិនសូវជាផ្លូវការឡើយ ព្រមទាំងមុខតំណែងការងារផ្នែកបដិ សណ្ឋារកិច្ចខ្លះៗ និងរបៀបធ្វើឲ្យអតិថិជនមានការកក់ក្តៅក្នុងចិត្ត។
មេរៀនទី១៥៖ ការពិភាក្សាពីការដើរកំសាន្ដ
នៅក្នុងមេរៀនទី១៥នេះ លោកអ្នកនឹងរៀននូវរបៀបសួរភ្ញៀវអំពីអ្វីដែលពួកគេចង់បាន និងរៀននិយាយអំពីអ្វីមួយដែលនឹងកើតមាននៅពេលខាងមុខ ព្រមទាំងអំពីរបៀបធ្វើ សំណើឬផ្តល់ជាគំនិតផងដែរ។
មេរៀនទី១៦៖ ការពិភាក្សាពីការដើរកំសាន្ដ(បន្ត)
នៅក្នុងមេរៀនទី១៦នេះ លោកអ្នកនឹងរៀនឃ្លាប្រយោគខ្លះៗដែលនឹងជួយលោកអ្នក នៅពេលពិនិត្យមើលកម្មវិធីដើរកំសាន្ត ហើយលោកអ្នកក៏នឹងហាត់រៀនជាបន្តទៀតពី របៀបធ្វើសំណើ ឬផ្តល់ជាគំនិតថែមទៀតផងដែរ។
មេរៀនទី១៧៖ ការធ្វើដំណើរកំសាន្ដតាមនាវា
នៅក្នុងមេរៀនទី១៧នេះលោកអ្នកនឹងរៀនពីការណែនាំឲ្យភ្ញៀវប្រយ័ត្នប្រយែងដើម្បី សុវតិ្ថភាពនិង អំពីរបៀបធ្វើឲ្យច្បាស់ប្រាកដថាភ្ញៀវរបស់លោកអ្នកមានភាពកក់ក្តៅនិង សុខស្រួល ហើយលោកអ្នកក៏នឹងរៀនអំពីរបៀបចង្អុលបង្ហាញ និងពន្យល់ពីទេសភាព នៅតាមផ្លូវផងដែរ។
មេរៀនទី១៨៖ ការធ្វើដំណើរកំសាន្ដតាមនាវា(បន្ត)
នៅក្នុងមេរៀនទី១៨នេះ លោកអ្នកនឹងរៀនពីរបៀបស្នើផ្ដល់អាហារជូនភ្ញៀវហើយ លោកអ្នកក៏រៀនផងដែរនូវរបៀបទទួលស្គាល់ការភាន់ច្រឡំ។ មេរៀននេះក៏នឹងផ្ដល់ជូន លោកអ្នកនូវឃ្លាមានប្រយោជន៍ថែមទៀតពាក់ព័ន្ធវិស័យទេសចរណ៍ ដើម្បីអោយ លោកអ្នកហាត់រៀន។
មេរៀនទី១៩៖ នៅកន្លែងពិធីបុណ្យ
នៅក្នុងមេរៀនទី១៩នេះ លោកអ្នកនឹងរៀនពីរបៀបរៀបចំទីកន្លែងសំរាប់ជួបគ្នា ពី របៀបរៀបរាប់ពីទីកន្លែងវប្បធម៌សំខាន់ៗ និងពីរបៀបដំណាលរឿងព្រេងនិទានឬជំនឿ ប្រពៃណី។ លោកអ្នកក៏នឹងហាត់រៀនពីអត្ថន័យខ្លះៗក្នុងចំណោមអត្ថន័យដ៏ច្រើនរបស់ ឃ្លា “Excuse me”។
មេរៀនទី២០៖ នៅកន្លែងពិធីបុណ្យ(បន្ត)
នៅក្នុងមេរៀនទី២០នេះ លោកអ្នកនឹងរៀនអំពីការឆ្លើយតបទៅនឹងការសរសើរ។ លោកអ្នកក៏នឹងរៀនពីការនិយាយរៀបរាប់រឿងព្រេងបុរាណនិងពីរបៀបធ្វើឲ្យអតិថិជន ដែលមានប្រតិកម្មជ្រុលបានស្ងប់អារម្មណ៍។
មេរៀនទី២១៖ ការដោះស្រាយសភាពការណ៍
មេរៀនទី២១នេះធ្វើការដោះស្រាយសភាពការណ៍ដែលអាចមានភាពធ្ងន់ធ្ងរ ជាមួយ អតិថិជនដែលមានអាការៈចំបែងក្នុងចិត្ត។ លោកអ្នកនឹងរៀនភាសាសំរាប់ជួយអោយ លោកអ្នករម្ងាប់អារម្មណ៍អតិថិជននិងធ្វើការបញ្ជាក់ឲ្យបានច្បាស់ពីដំណើររឿងរបស់គេ ។
មេរៀនទី២២៖ ការដោះស្រាយសភាពការណ៍ (បន្ត)
មេរៀនទី២២នេះបន្តការដោះស្រាយសភាពការណ៍ដែលអាចមានសភាពធ្ងន់ធ្ងរ ជា មួយអតិថិជនដែលមានអាការៈចំបែងក្នុងចិត្ត។ លោកអ្នកនឹងរៀនភាសាសំរាប់ជួយ អោយលោកអ្នកបដិសេធយ៉ាងគួរសមទៅនឹងសំណើអ្វីមួយ។
មេរៀនទី២៣៖ ការបង់ប្រាក់ចេញពីសណ្ឋាគារ
នៅក្នុងមេរៀនទី២៣នេះ លោកអ្នកនឹងរៀនពីភាសាដែលចាំបាច់សំរាប់ពេលដែលភ្ញៀវ ធ្វើការបង់ប្រាក់ហើយចាកចេញពីសណ្ឋាគារ។ លោកអ្នកនឹងរៀនពីរបៀបសួរដោយគួរ សមថាតើភ្ញៀវណាម្នាក់ជាអ្នកបង់ប្រាក់ ព្រមទាំងរបៀបពន្យល់ពីវិក្កយបត្រ ហើយក៏នឹង រៀនពីវេយ្យាករណ៍ដែលមានសារប្រយោជន៍មួយចំនួនផងដែរ។
មេរៀនទី២៤៖ ការបង់ប្រាក់ចេញពីសណ្ឋាគារ(បន្ត)
នៅក្នុងមេរៀនទី២៤នេះ លោកអ្នកនឹងរៀនបន្ថែមទៀតអំពីការកែតំរូវកំហុសនៅលើ វិក្កយបត្រ ព្រមទាំងរបៀបនិយាយលានិងជូនពរភ្ញៀវ។
មេរៀនទី២៥៖ បទសម្ភាសន៍ការងារ
នៅក្នុងមេរៀនទី២៥នេះ លោកអ្នកនឹងរៀនអំពីបទសម្ភាសន៍ការងារមួយ នៅប្រទេស លោកខាងលិច។ លោកអ្នកនឹងរៀនពីប្រភេទសំណួរដែលគេអាចនឹងសាកសួរ និងពី របៀបឆ្លើយតបសំណួរទាំងនោះឲ្យបានសមរម្យ។
មេរៀនទី២៦៖ បទសម្ភាសន៍ការងារ(បន្ត)
មេរៀនចុងក្រោយនេះនឹងបញ្ចប់នូវបទសម្ភាសន៍ការងារនៅក្នុងមេរៀនមុនហើយលោក អ្នកនឹងរៀនអំពីសំណួរសម្មតិកម្ម ក៏ដូចជាសំណួរនានាដែលលោកអ្នកអាចសួរបាននៅ ក្នុងបទសម្ភាសន៍ការងារ។
កម្មវិធីសិក្សាភាសាអង់គ្លេស
កម្រងកម្មវិធីដែលមានទាំងអស់២៦ភាគនេះរៀបចំឡើងដើម្បីជួយលោកអ្នកអោយចេះប្រើភាសាអង់គ្លេសក្នុងកំរិតមធ្យម។
កម្មវិធីនេះបានផ្សាយតាមវិទ្យុអូស្រ្តាលីលើកដំបូងនៅឆ្នាំ១៩៩៤។ ថ្វីបើមេរៀនភាសាអង់គ្លេសទាំងនេះនៅប្រើការបានក្តី ក៏ហេតុការណ៍និងព័ត៌មានខ្លះអាចមានការផ្លាស់ប្តូររួចទៅហើយដែរ។ ឧទាហរណ៍ ទីភ្នាក់ងារជំនួយរដ្ឋាភិបាលអូស្រ្តាលីដែលពីមុនហៅថា AIDAB ឥឡូវនេះប្តូរឈ្មោះទៅ AusAID ហើយ។ http://www.radioaustralia.net.au/podcast/khmer/efa1.xml
កម្មវិធីទី១-ការប្រាស្រ័យទាក់ទងនៅពេលជួបគ្នានិងពេលបែកគ្នា
លោក Jim និងអ្នកស្រី Carol Thompson កំពុងតែ ធ្វើពិធីអាំងសាច់មួយនៅពេលថ្ងៃនៅ សួនច្បារនៃគេហដ្ឋានរបស់ពួកគាត់នៅក្នុងក្រុងមែលប៊ិន។
កម្មវិធីទី២ - ការសួរសំណួរ
លោក Jim និងអ្នកស្រី Carol ធ្វើការពិភាក្សាអំពី ព័ត៌មានដែលថាក្រុមហ៊ុនវិស្វកម្មដែលលោក Jim ធ្វើការឲ្យនោះ នឹងបញ្ចូនលោកឲ្យទៅធើ្វការនៅ ប្រទេសកម្ពុជា។
កម្មវិធីទី៣ - ការពិភាក្សាអំពីផែនការនៅពេលអនាគត
អ្នកស្រី Carol និយាយទៅកាន់ឪពុករបស់អ្នកស្រី អំពីផែនការដែលអ្នកស្រីនិងលោក Jim បានគ្រោង ធ្វើសំរាប់ការធ្វើដំណើររបស់ពួកគាត់ទៅប្រទេស កម្ពុជា។
កម្មវិធីទី៤ - ការប្រៀបធៀប
លោក Jim និងអ្នកស្រី Carol ទៅដល់អាកាស យានដ្ឋានក្រុងភ្នំពេញជាកន្លែងដែលលោក ចាន់ សុខចាំទទួលពួកគាត់។ ពួកគាត់បើក រថយន្តទៅសណ្ឋាគាររបស់ពួក គាត់ហើយ ជួបលោកសុខម្តងទៀតនៅពេលល្ងាចនៅ ហាងកាហ្វេមួយនៅមាត់ទន្លេ។
កម្មវិធីទី៥ - ការនិយាយអំពីអតីតកាល (១) ក្រោយពីការអញ្ជើញទៅដល់ក្រុងភ្នំពេញ ភ្លាមនោះ លោក Jim និងអ្នកស្រី Carol ក៏ជួបជាមួយលោកសុខនិងនាងធីតាដែល ជាកូនស្រីរបស់លោកសុខនៅពេលទទួល ទានអាហារល្ង |
