Our people

បុគ្គលិក​យើង​ខ្ញុំ

 
ខឹម សារឹម

លោក ខឹម សារឹម ធ្លាប់​បម្រើ​ការ​ជា​គ្រូ​បង្រៀន​​ផ្តល់​ការ​បណ្តុះ​បណ្តាល​ដល់​គរុ​និស្សិត​ និង​ការ​ផ្តល់​វគ្គ​វិក្រិតការ​ដល់​គ្រូ​បង្រៀន​នៅ​តាម​វិទ្យា​ល័យ​ទូ​ទាំង​ប្រទេស​កម្ពុជា​ចាប់​តាំង​ពី​ឆ្នាំ ២០០១ ដល់​ ឆ្នាំ​២០១១។ មិន​តែ​ប៉ុណ្ណោះ​លោក​ក៏​មាន​បទ​ពិសោធន៍​ក្នុង​ការ​បក​ប្រែ​ភាសា​អង់គ្លេស​ជា​ច្រើន​ឆ្នាំ​ផង​ដែរ។

ឃុន អាឡិច

លោក ឃុន អាឡិច បាន​ចាប់​ផ្ដើម​ធ្វើ​ការ​ងារ​ជា​មួយ Radio Australia តាំង​ពី​ឆ្នាំ​២០០៤។ បច្ចុប្បន្ន​លោក​គឺជា​អ្នក​កាសែត និង​ផលិត​ករ​​​ម្នាក់​ដែល​មាន​ជំនាញ​ច្រើន​​មុខ​​ទាំង​ខាង​ការ​ផលិត​​កម្ម​វិធី​វិទ្យុ​ និង​មាតិកា​ Multimedia សម្រាប់​ភាសា​ខ្មែរ និង​កម្មវិធី​បង្រៀន​ភាសា​អង់គ្លេស​​សម្រាប់​វិទ្យុ​ និង​វ៉ិបសាយថ៍​។ មុន​ពេល​ចូល​ធ្វើ​ការ​ជា​មួយ​ Radio Australia លោក​ធ្លាប់​បាន​បម្រើ​ការ​ងារ​ក្នុង​វិស័យ​ព័ត៌មាន​វិទ្យា និង​ទូរ​គម​នាគមន៍​អេឡិចត្រូនិក​​ផង​ដែរ​។

 
ទូច​ រង្សី

កញ្ញា ទូច រង្សី បាន​ចូល​បម្រើ​ការងារ​នៅ Radio Australia នៅ​ឆ្នាំ​២០០៩។ នៅ​ឆ្នាំ​២០០៧​កញ្ញា​បាន​ចូល​សិក្សា​នៅ​សកល​វិទ្យាល័យ​ន័​រតុន​​ដោយ​ចាប់​យក​ជំនាញ​សេដ្ឋ​កិច្ច, ធនាគារ និង​ហិរញ្ញវត្ថុ។ កញ្ញា​បាន​បញ្ចប់ថ្នាក់​បរិញ្ញា​ប័ត្រ​ផ្នែក​នេះ​នៅ​ឆ្នាំ២០១១។

ធូ លីលី

អ្នក​ស្រី​ ធូ លីលី បាន​ចូល​បម្រើ​ការ​ងារ​ជា​មួយ​ Radio Australia នៅ​ក្នុង​ឆ្នាំ​២០០៧ ក្នុង​នាម​ជា​អ្នក​ផលិត​កម្ម​វិធី​សម្រាប់​ឌីជីថល​នៃ​ក្រុម​ការ​ងារ​ភាសា​វៀតណាម​។ ប៉ុន្ដែ​ឥឡូវ​នេះ អ្នក​ស្រី​ធ្វើ​ការ​នៅ​ក្នុង​ក្រុម​ការ​ងារ​ផលិត​កម្មវិធី​បង្រៀន​ភាសា​អង់គ្លេស។​ អ្នក​ស្រី​ លីលី មាន​បទ​ពិសោធន៍​យ៉ាង​ច្រើន​ទូលំ​ទូលាយ​ផ្នែក​ការ​អភិវឌ្ឍ​សេវា​តាម​អ៊ីនធើរណិត​ដែល​ក្នុង​នោះ​រួម​មាន​បទ​ពិសោធន៍​ធ្វើ​ការ​ងារ​ជាមួយ​នឹង​និស្សិត​អន្ដរជាតិ​នៅ​ក្នុង​ប្រទេស​អូស្រ្ដាលី ក្នុង​ឋានៈ​ជា​អ្នក​ដឹក​នាំ​ផ្នែក​រក​ទី​ផ្សារ​សម្រាប់​ក្រុមហ៊ុន​ពាណិជ្ជ​កម្ម​អន្ដរ​ជាតិ​មួយ​កន្លែង​។

 
នាង សុវត្ថារ៉ា​

ជា​អតីត​សមាជិក​សមាគម​អ្នក​និពន្ធ​ខ្មែរ។​ ក្រោយ​ទទួល​បាន​បរិញ្ញាបត្រ​នីតិសាស្ត្រ​នៅ​ឆ្នាំ​២០០២​ ពី​មហា​វិទ្យាល័យ​នីតិ​សាស្ត្រ ​និង​វិទ្យា​សាស្ត្រ​សេដ្ឋ​កិច្ច​ លោក​បាន​ចូល​បម្រើ​ការ​ងារ​នូវ​អង្គការ​មិនមែន​រដ្ឋាភិបាល​នៅ​កម្ពុជា​ដែល​ធ្វើ​ការ​ផ្សព្វផ្សាយ​ពី​ច្បាប់​, សិទ្ធិ​មនុស្ស​ និង​លទ្ធិ​ប្រជាធិបតេយ្យ​ដល់​ប្រជា​ពល​រដ្ឋ​នៅ​តាម​បណ្ដា​ខេត្ត​ ព្រម​ទាំង​អាជ្ញាធរ​មូល​ដ្ឋាន។

ប៊ុន ឡឺវីសីដា

ជា​មួយ​នឹង​បទ​ពិសោធន៍​២០ឆ្នាំ​ផ្នែក​អ្នក​កាសែត​វិទ្យុ និង​ការ​ស្រាវ​ជ្រាវ អ្នក​ស្រី​នាំ​មក​ជូន​នូវ​ព័ត៌មាន​ល្អៗ​ពី​​ប្រទេស​កម្ពុជា និង​ពី​ក្នុង​តំបន់​​ដល់​​លោក​អ្នក​ទាំង​តាម​ប្រព័ន្ធ​អ៊ិនធើណិត និង​តាម​វិទ្យុ។

 
មាន សួស្ដី

នាង មាន សួស្តី បាន​ចូល​បម្រើ​ការ​ងារ​ជា​អ្នក​យក​ព័ត៌មាន​ឲ្យ​វិទ្យុ​អូស្រ្តាលី​នៅ​ឆ្នាំ​២០០៦។ នាង​បាន​បញ្ចប់​មហាវិទ្យាល័យ​ច្បាប់​នៅ​សកល​វិទ្យាល័យ​ភូមិន្ទ​នីតិ​សាស្ត្រ និង​វិទ្យា​សាស្ត្រ​សេដ្ឋ​កិច្ច​នៅ​ឆ្នាំ ២០០២ ហើយ​បច្ចុប្បន្ន​កំពុង​បន្ត​រៀន​អនុ​បណ្ឌិត​ច្បាប់​នៅ​ទី​ក្រុង​ភ្នំពេញ។

 
យឹម វីម៉ាល៉ា

អ្នក​នាង​ យឹម វី​ម៉ាល៉ា ចូល​បម្រើ​តួនាទី​ជា​ផលិត​ករ និង​​ជាពិធី​ការិនី​ជា​មួយ​វិទ្យុ​អូស្ត្រាលី​នៅ​ឆ្នាំ ២០១៣។ នាង​ធ្លាប់​មាន​ពិសោធន៍​ជា​អ្នក​បញ្ចូល​សំឡេង និង​ជា​អ្នក​ផ្សាយ​វិទ្យុ​ក្នុង​សហគមន៍​នៅ​​ទី​ក្រុង​មែល​ប៊ិន​ពី​ឆ្នាំ​ ២០០៥​ បន្ទាប់​ពី​ទទួល​បាន​ការ​ហ្វឹក​ហាត់​ផ្នែក​ផ្សព្វ​ផ្សាយ និង​ច្បាប់​សារ​ព័ត៌​មាន​នៅ​​ក្នុង​ប្រទេស​អូស្ត្រាលី។

យ៉ាន លីលី

អ្នក​ស្រី យ៉ាន លីលី បាន​ក្លាយ​ជា​បុគ្គលិក​ Radio Australia កាល​ពី​ឆ្នាំ​២០០៨ ហើយ​បាន​បម្រើ​ការ​ច្រើន​មុខ​ងារ​ក្នុង​នោះ​រួម​មាន​ជា​អ្នក​រាយ​ការណ៍​ព័ត៌មាន, អ្នក​ផលិត​កម្ម​វិធី និង​ជា​ពិធី​ការិនី​ផង​ដែរ។ បច្ចុប្បន្ន​អ្នក​ស្រី​គឺជា​សមាជិក​ម្នាក់​នៃ​ក្រុម​ការ​ងារ​ផលិត​កម្ម​វិធី​បង្រៀន​ភាសា​អង់គ្លេស​។ មុន​ពេល​ចូល​បម្រើ​ការ​ងារ​ជា​មួយ Radio Australia អ្នក​ស្រី​ លីលី ​ជា​អតីត​ពិធី​ករ​នៃ​ភាសា​ចិន​កុក​ងឺ​ជា​មួយ​ទីភ្នាក់​ងារ​ព័ត៌មាន SBS និង​ធ្លាប់​ជា​ប្រធាន​អ្នក​ផលិត​កម្មវិធី​ទូរទស្សន៍​ផង​ដែរ​ ដែល​ផ្សាយ​ចេញ​ជា​ភាសា​ចិន​ដែល​មាន​មូល​ដ្ឋាន​នៅ​ក្នុង​ប្រទេស​អូស្រ្ដាលី​។

រ៉េណាល់​ឌី អឺវិន

លោក រ៉េណាល់​ឌី អឺវិន​ បាន​ចូល​បម្រើ​ការ​ងារ​ជាមួយ​ Radio Australia កាល​ពី​ឆ្នាំ​២០១១ ក្នុង​នាម​ជា​ផលិត​ករ និង​ពិធី​ករ​នៃ​កម្មវិធី​ផ្សាយ​ភាសា​ឥណ្ឌូណេស៊ី និង​ក្នុង​ក្រុម​ការ​ងារ​ផលិត​កម្មវិធី​បង្រៀន​ភាសា​អង់គ្លេស។​ កាល​ពី​មុន​មក​ដល់​ប្រទេស​អូស្រ្ដាលី​លោក​ធ្លាប់​បាន​ធ្វើ​ការ​ជា​អ្នក​យក​ព័ត៌មាន​សម្រាប់​វិទ្យុ និង​ទូរទស្សន៍​នៅ​ក្នុង​ប្រទេស​ឥណ្ឌូណេស៊ី​។

លីលៀរ៍ សាប្រ៊ីណា

អ្នក​ស្រី លីលៀរ៍ សាប្រ៊ីណា​ បាន​ចូល​បម្រើ​ការ​ងារ​ជា​មួយ​ Radio Australia ក្នុង​ឆ្នាំ​២០០៨ ​ក្នុង​នាម​ជា​អ្នក​ផលិត​ម្នាក់​ ដែល​​ទទួល​បន្ទុក​លើ​កិច្ច​ការ​វិទ្យុ​, វ៉ិបសាយថ៍ និង​បណ្ដាញ​សង្គម​សម្រាប់​ភាសា​អង់គ្លេស និង​ឥណ្ឌូណេស៊ី។ អ្នក​ស្រី​ក៏​ជា​អ្នក​ចូល​រួម​ចំណែក​ម្នាក់​ដែរ​នៅ​ក្នុង​ក្រុម​ការ​ងារ​ផលិត​កម្ម​វិធី​បង្រៀន​ភាសា​អង់គ្លេស។

 
លីវ សាន

លោក លីវ សាន្ដ គឺជា​អ្នក​កាសែត​ជឿង​ចាស់​ម្នាក់​ដែល​មាន​បទ​ពិសោធន៍​​ខ្ពស់​​ទាំង​ខាង​ផ្នែក​យក​ព័ត៌មាន​សម្រាប់​វិទ្យុ និង​កាសែត​។ លោក​មាន​​មូល​ដ្ឋាន​​រស់​នៅ​ក្នុង​ខេត្ដ​សៀម​រាប​។

 
សយ សុភា

លោក សយ សុភា បាន​ចូល​ធ្វើ​ការ​នៅ​វិទ្យុ​អូស្ត្រាលី​ខេមរ​ភាសា​នៅ​ឆ្នាំ២០០៦។ លោក​ធ្លាប់​បាន​បម្រើ​ការ​ងារ​នៅ​អង្គភាព​ទស្សនាវដ្តី, កាសែត​ប្រចាំ​ថ្ងៃ​ជា​ភាសា​ខ្មែរ និង​ប្រចាំ​សប្តាហ៍​ជា​ភាសា​អង់គ្លេស, អ្នក​ឆ្លើយ​ឆ្លង​ព័ត៌មាន​ឲ្យ​ទី​ភ្នាក់​ងារ​ព័ត៌មាន​អាឡឺម៉ង់ Deutsch Press Agentur (DPA)។

 
សរ សុវណ្ណារ៉ា​

លោក សរ សុវណ្ណារ៉ា គឺជា​អ្នក​កាសែត​ជើង​ចាស់​ម្នាក់​ដែល​មាន​បទ​ពិសោធន៍​​ខ្ពស់​។ លោក​​ក៏​ធ្លាប់​​បាន​បង្វឹក​ហាត់​អ្នក​​យក​ព័ត៌មាន​ដទៃ​ទៀត​​ផង​ដែរ​នៅ​ក្នុង​ប្រទេស​កម្ពុជា​ក្រោម​កម្មវិធី​ជំនួយ​អភិវឌ្ឍន៍​អន្ដរ​ជាតិ​របស់​ប្រទេស​អូស្រ្ដាលី​។​

 
សុខ សាវី

លោក សុខ សាវី បាន​ចូល​មក​បម្រើ​ការ​ងារ​នៅ​វិទ្យុ​អូស្រ្តាលី​នា​ចុង​ឆ្នាំ​២០០៦។ បច្ចុប្បន្ន​នេះ លោក​កំពុង​បម្រើ​ការងារ​នៅ​វិទ្យុ​ជាតិ​ចម្ការ​ចេក FM៩២.៧៥ MHz នៅ​ខេត្ដ​បាត់​ដំបង ដែល​លោក​បាន​ធ្វើ​ការ​នៅ​ទី​នោះ​អស់​រយៈ​ពេល​​ច្រើន​ឆ្នាំ​​មក​ហើយ។

 
ស្កត់​ ជូលៀ

អ្នក​ស្រី ស្កត់ ជូលៀ បាន​ចូល​បម្រើ​ការ​ងារ​ជា​មួយ Radio Australia តាំង​ពី​ឆ្នាំ​២០០១ ហើយ​បាន​កាន់​ការ​ងារ​ជា​អ្នក​សម្រប​សម្រួល​ក្រុម​ការ​ងារ​ផលិត​កម្ម​វិធី​បង្រៀន​ភាសា​អង់គ្លេស​ចាប់​ពី​ឆ្នាំ​២០១០។ កាល​ពី​មុន​អ្នក​ស្រី​ជា​សមាជិក​ជាន់​ខ្ពស់​នៃ​ក្រុម​ការ​ងារ​អភិវឌ្ឍន៍​សេវា​ឌីជីថល​ និង​ធ្លាប់​ជា​អ្នក​យក​ព័ត៌មាន​ឲ្យ​វិទ្យុ​នៅ​ទីភ្នាក់​ងារ​ព័ត៌មាន ABC និង​វិទ្យុ​សហគមន៍ SBS ផង​ដែរ ដោយ​ការ​ងារ​របស់​អ្នក​ស្រី​កាល​នោះ​បាន​ផ្ដោត​ទៅ​លើ​ការ​ផលិត​កម្មវិធី​សម្រាប់​ពហុ​ភាសា​។

អាំប៊ីយ៉ូ ទីតូ

លោក អាំប៊ី​យ៉ូ​ ទីតូ គឺជា​ផលិត​ករ និង​ពិធី​ករ​នៃ​ Radio Australia ដែល​បម្រើ​ការ​ទាំង​ផ្នែក​ភាសា​អង់គ្លេស និង​ឥណ្ឌូណេស៊ី​។ លោក​ក៏​ជា​សមាជិក​ម្នាក់​ផង​ដែរ​នៃ​ក្រុម​ការ​ងារ​ផលិត​កម្មវិធី​បង្រៀន​ភាសា​អង់គ្លេស។

ទាក់ទង​យើង​ខ្ញុំ

  • ប្រៃសណីយ៍
    Radio Australia
    GPO Box 428, Melbourne
    Australia 3001
  • ទូរស័ព្ទ
    ពីបរទេស៖
    +61 3 9626 1500
  • ពីក្នុង​ប្រទេស​អូស្រ្ដាលី៖
    03 9626 1500
  • ទូរសារ
    ពីបរទេស៖
    +61 3 9626 1899
  • ពីក្នុង​ប្រទេស​អូស្រ្ដាលី៖
    03 9626 1899