Meri blong ol png soldia istap insait long pasin pamuk

Meri blong ol png soldia istap insait long pasin pamuk

Meri blong ol png soldia istap insait long pasin pamuk

Postim 30 November 2005, 19:57 AEDT

Wanpela sinia offisa blong Papua New Guinea Defens Fos ibin tok meri blong ol planti "liklik rank soldia"isave stap insait long ol pasin pamuk long halivim ol long moni long wanem pei blong man blong ol ino save bikpela.

Long toktok blong em igo long wanpela wok painim em komiti blong palimen i lukluk long sik HIV/AIDS ibin holim long Lae,Leftenan Kenel Williams Bartley ibin tok oli save fosim meri blong ol long slip wantaim ol arapela pipol long moni blong halivim famili blong ol.

Dispela komiti ibin karim aut dispela wok painim long olgeta hap blong kantri long painim aut olsem wanem na dispela sik AIDS i kalap na gro hariap tru long Papua New Guinea.

Narapela as tingting oli bin nap long painim olsem wanem na ol marit meri istap insait long sex long kisim moni long wanem man blong ol i tromoi moni blong ol long ol poki masin,resis blong ol horse na tu spenddim long namba tu meri blong ol.