King blong Tonga i dai pinis

King blong Tonga i dai pinis

King blong Tonga i dai pinis

Postim 19 March 2012, 7:27 AEST

Praim Minista blong Tonga, itokaut pinis olsem, King blong Tonga na man husat ibin bringim Demokrasi igo long kantri, King George Tupou the fifth,i dai pinis.

King Tupou the fifth krismas blong en 63 ibin dai aste long Hong Kong.

Yangpla brata blong en ibin stap wantem em taem emi bin dai.

King Tupou ino bin marit  na brata blong en, Crown Prince, bai kisim ples blong en na kamap olsem nupla King.

Niusmeri long Nukua'lofa, Monalisa Palu, ibin tokim Redio Australia, olsem King Tupou ibin wanpla man husat ibin kamapim ol gutpla senis long kantri.

Ms Palu itok olsem King Tupou the fifth ibin senisim ol loa blong kamapim demokrasi long Tonga, na tu emi bin mekim planti ol narapla gutpla senis long kantri taem emi bin lukautim kantri.

Emi tok tu olsem King ibin halvim long strongim ol wok bisnis na planti pipal tru long Tonga i sore tru tede bihaenim dai blong en.