PNG Rabaul Shipping i pas

PNG Rabaul Shipping i pas

PNG Rabaul Shipping i pas

Updated 8 June 2012, 20:15 AEST

Long Papua New Guinea,  Peter Sharp papa blong pasinjia ship em ibin kapsaet long Lae, Rabaul Queen i pasim pinis shiping kampani blong en, Rabaul Shipping, na planti handrat ol pipal husat iwok wantem em i lusim ol wok blong ol.

Oli no save iet sopos despla kampani pas olgeta oa em bai  stat ken bihaen taem.

Commission of Inquiry emi wok long lukluk long birua blong  Rabaul Queen long mun  February we moa logng 200 pipal ibin lusim laif blong ol.

Nau ol stori i kamap olsem Mr Sharp i pasim kampani blong en na ol wokman-meri i nogat wok nau.
 
Despla enkuairi ibin harim tu olsem narapla as tingting blong pasim kampani em long wonem, sampla laen husat ibin wok long askim long kompenseisan long Bougainville ibin kukim tupla ship blong Rabaul shipping long Bougainville.

Despla wok painimaut ibin pinisim wok blong en long despla wik.

Long wik bihaen oli ting man husat ibin go pas long despla enkuairi, Justice Warwick Andrew bai givim despla ripot igo long gavman.