Olympic Games long London bai statim track na field nau

Olympic Games long London bai statim track na field nau

Olympic Games long London bai statim track na field nau

Updated 3 August 2012, 18:05 AEST

Eksen blong athletics, track na field, bai kamap long Olympic Stadium, stat long Fraide.

David Mack i ripot, Australia athletics tim bai mekim sampela bikpela sanis long bringim hamamas long pes blong ol pipol bihain long swimming tim ibin feil long competition blong ol.

Michael Phelps, USA swimmer igo het long mekim histri taim em i winim wanpela 200 metres individual medley gold long namba tri taim.

Long namba 6 dei blong Olympic competition, New Zealand i winim nambawan goal medal long rowing.

American Samoa swimmer Megan Fonteno ibin kamap namba 6 long women's 100 metres freestyle, makim personal best long dispela London Olympic Games.

Na wanpela athlete blong Guam, Amy Atkinson i redi long resis long women's 800 metres long neks wik.