Manus Climate kanu i kamap long Solomon Islands

Manus Climate kanu i kamap long Solomon Islands

Manus Climate kanu i kamap long Solomon Islands

Updated 23 October 2012, 12:14 AEDT

Climate Challenger Voyage, em Australia Gavman i sapotim wantaim wokbung blong Nature Conservancy, i kamap long Solomon Islands kepital long Mande, bihain long lusim Pere Island long Manus Province, Papua New Guinea long September 5.

Kepten blong kanu, Climate Challenger Voyage, Manuai Matawai na kru blongen i bin kamap long Honiara long Mande, bihain long ol i lusim Manus long September 5 na kisim ol igo long Kavieng, Lihir, Nissan aelan long Bougainville na kamap long Solomon Islands.

Long hap solowara blong Solomons, ol ibin stat long Choisel Province, we  ol i bin bungim ol vilis pipol na lidaman meri na gavman ofisal, long dispela bikpela toktok blong luksave long ol sanis i wok long kamap long solowara na laif long Climate Change.
 
Manuai Matawai i tok olgeta kru memba i orait, ol i seif na hamamas olsem ol i ken stop sampela taim long Honiara.
 
Matawi i tok bikpela tingting blong dispela wokabaut, em long luksave, skulim na laenim long wanpela narapela ol sanis Climate Change i kamapim na kamapim sanis.