Singaut long ol Pacific gavman i senisim tingting long fisheries

Singaut long ol Pacific gavman i senisim tingting long fisheries

Singaut long ol Pacific gavman i senisim tingting long fisheries

Updated 1 November 2012, 17:19 AEDT

Het blong PNA fisheries itok, ol gavman long rijin imas lukluk long tuna fisheries blong ol long sait long gutpela wei blong wokim bisnis. 

Chief Executive Officer blong Parties to the Nauru Agreement or PNA fisheries, Transform Aqurau i laik long ol Pacific kantri i lukluk moa long value blong fish long solwara blong ol na ino long volume oa hamas fish i stap.

Em i laikim ol long muv away from tingting olsem, ol bai kisim moa moni sapos oli givim aut planti licence long planti moa fishing bot blong narapela kantri igo long fishing insait solwara blong ol.

Dr Aqorau itok dispela kain pasim bai bringim daun tasol prais blong ol fish na ol fish long solwara bai pinis hariap.

Em itok dispela Vessel Day Scheme we ol 8-pela memba blong PNA i yusim nau i gutpela system blong mekim bisnis long tuna fishing na em i gutpela long ol fish ino pinis hariap.

Long last wik, Solomon Islands ibin sainim wanpela multi-million dollar dil wantaim South Korea long kost blong 5-thousand US dollars long wanpela day aninit long dispela scheme.