PNG i tok welkam long Prince Charles na meri blongen, Camilla

PNG i tok welkam long Prince Charles na meri blongen, Camilla

PNG i tok welkam long Prince Charles na meri blongen, Camilla

Updated 5 November 2012, 11:53 AEST

Bikpela lain pipol i bin tok welkam long Prince of Wales na Duchess of Cornwall husait i stap long wanpela royal visit igo long Papua New Guinea olsem hap blong Diamond Jubilee selebresin blong Queen.

Bikpela singaut hamamas i bin kamap taim Prince Charles i tok pisin long ol pipol i bung long Sir John Guise Stadium long Sande. Dispela em i namba foa visit blong Prince Charles.
 
Nambawan visit i bin kamap logn 1966 na em i tokim ol pipol olsem em ino lus tingting longen.
 
Ol vilis pipol arasait long Papua New Guinea kepital, Boera vilis ibin givim Prince of Wales na Duchess of Cornwall wanpela bikpela hamamas long pasin tumbuna na kala.
 
Long hap, ol man wantaim supia ibin welkam long Prince Charles wantaim wanpela woa danis blong ples.
 
Ol meri weaim ol gras sket i danis na kundu dram i pairap taim Prince Charles na Camilla i inspektim wanpela lagatoi kanu, we i makim taim bipo we, em i save seil igo kam long saut kos blong kantri, namel long ol pipol blong Gulf na Central.
 
PNG niusman Firman ibin stap insait long dispela ol bung long Sande.