Fiji Constitution Komisin itok emi no rong

Fiji Constitution Komisin itok emi no rong

Fiji Constitution Komisin itok emi no rong

Updated 6 November 2012, 17:20 AEDT

Fiji Constitution Komisin itok emi no tru olsem vais president bifo ibin bagarapim wok long wanpla pablik miting.

Ratu Joni Madriwiwi nau iwok long wok wantem Commission blong painim na kamapim ol tingting blong ol pipal long nupla mama loa em oli bin long lukluk long en long despla tripla mun igo pinis long olgeta hap blong Fiji.

Tasol gavman i sutim pinis ol strongpla toktok egensim  Ratu Joni Madraiwiwi long bagarapim wok blong gavman, taem emi bin tokaut long tingting na laik blong en iet olsem Fiji emi wanpla Kristian kantri.

Intarim Praim Minista, Frank Bainimarama i autim pinis wanpla toktok blong en we emi tok, emi no stret nau long Ratu Joni long wok iet wantem Constitution Komisin.

Tasol siaman blong  Constitution Komisin, Professor Yash Ghai, ibin tokim Radio Australian Pacific Beat  olsem Mr Joni ino bin pitim aut tingting blong en olsem Fiji emi wanpla Kristian kantri.

Yash Ghai itok tu olsem wanpla bikpla wari em olsem gavman itokaut pinis olsem, bai oli no nap toktok wantem ol pipal long askim ol long nupla mama loa em bai oli autim long mun bihaen.

Narapla bikpla senis em gavman ibin kamapim em olsem Constitution Commission ino gat strong oa power long lukluk gut na senisim sampla loa em bai no nap bihaenim gut despla nupla draft mama loa.
 

Pipal i givim tingting

Caroline Tiriman

Caroline Tiriman

Prisenta

Em i joinim redio long 1978 wantaim bikpela laik long halvim pipol long save long rait blong ol na halvim ol long gutpela save blong mekim stretpela tingting long halvim ol iet.