Vanuatu PM Sato Kilman bai kamapim nupla gavman.

Vanuatu PM Sato Kilman bai kamapim nupla gavman.

Vanuatu PM Sato Kilman bai kamapim nupla gavman.

Postim 6 November 2012, 16:01 AEDT

Vanuatu Care taker Praim Minista, Sato Kilman, itok nainpla narapla politikal pati i sapotim em long kamapim nupla gavman blong kantri.

Ol pipal blong Vanuatu ibin vout long ileksan long Tunde long wik igo pinis, tasol ilektoral komisin ino tokaut iet long ol risalt blong despla ileksan.

Sato Kilman ino toktok iet tu wantem ol wok nius, tasol wanpla tokman blong pati ibin toktok wantem Vanuatu Broadcasting na Television Corporation na emi tokaut olsem emi stret People's Progressive Party blong en ibin kamapim pinis tok oraet wantem nainpla narapla pati long kamapim nupla gavman.

Sampla long despla tenpla pati, igat wanpla palaman memba tasol na planti long ol emi bin memba bifo tu long ol kolisan pati.

Sopos ol despla toktok blong Mr Kilman i stret, grup blong en bai winim hap long 52 ol sia insaet long palaman.

Palaman bai bung insaet long tupla wik.