Tripela pipol i dai long pait long Lae

Tripela pipol i dai long pait long Lae

Tripela pipol i dai long pait long Lae

Updated 7 November 2012, 18:30 AEDT

Pait namel long pipol blong sampela provins i lukim tripela pipol i dai na planti haus oli bagarapim long Lae long Morobe Provins.

Dispela pait ibin kamap namel long ol pipol blong Western Highlands, Enga, Sepik na Morobe Provins long Lae

Bel heve ibin stap pinis namel long pipol blong ol provins ia long Lae, tasol niupela pait namel long ol i kamap gen long Fraide ikam kamap long Mande long dispela wik.

Dai blong tripela pipol ia i bringim namba blong olgeta husat i dai long dispela heve i kamap long sevenpela pipol.

Lae Metropolitan Police Commander, Superintendent Nema Mondiai i tok dispela niupela pait i kamapim bagarap long ol propati na planti femili i nogat ples blong stap.

Superintendent Mondiai, itok em i putim ol polisman-meri long ol setelmen we igat heve longen blong stretim ol bel heve na koros pait namel long ol pipol.