Imigresin Minista i tok Australian ekonomist ino welkam long PNG

Imigresin Minista i tok Australian ekonomist ino welkam long PNG

Imigresin Minista i tok Australian ekonomist ino welkam long PNG

Updated 8 November 2012, 12:40 AEST

Papua New Guinea Imigresin Minista i tok em ibin tokim dipatment blongen long stopim biknem ekonomist blong Australia, Ross Garnaut long go long kantri.

Praim Minista Peter O'Neill i autim bel kaskas blongen igo long Professor Garnaut, husait i tok, mani em ol i hipim insait long trust,Fund, PNG Sustainable Development Program, olsem "very tempting for political figures".

Praim Minista O'Neill i tok dispela kain toktok i makim stret bikpela luksave long Dr Garnaut long em ino respektim ol lida blong kantri.

Olsem na Imigresin Minista Rimbink Pato i tokim wanpela niusbung olsem em i bin tokim dipatment blongen long noken givim Dr Garnaut visa taim wanpela wok painim igo het long dispela ol toktok em i mekim.

"We're investigating the basis on which the allegations came about...and when those investigation details come to end, then we'll see what steps legally and democratically we can take."

Parliamentary Secretary for Pacific Island Affairs blong Australia, Richard Marles, i tok Papua New Guinea i gat rait long blokim Professor Garnaut igo long kantri.

"At the end of the day who PNG says is welcome or not in its own country is obviously a matter for PNG," em i bin tok.