Ol dokta long Nauru senta i wari long ol pipol ino kaikai

Ol dokta long Nauru senta i wari long ol pipol ino kaikai

Ol dokta long Nauru senta i wari long ol pipol ino kaikai

Updated 12 November 2012, 10:09 AEST

Wari ol dokta i mekim em long ditensen senta blong Australia long Nauru we wanpela man blong Iran nau ino kaikai wanpela samting long 31 dei olgeta.

Ripot i tok makim ol dokta long tok sapos ol ino kisim dispela man igo long Nauru hausik, em bai sik nogut tru.

Samting olsem 200 asailam sika long Nauru i stap long wanpela 'hunger strike', we ol ino kaikai nau long 12pela dei.

Ian Rintoul blong Refugee Action Coalition i tokim Radio Australia em i bin toktok wantaim sampela asailam sika long asde, Sande nait we ol i tok, sampela moa pipol tu i pilim sik.

"They've got back problems presumably from pain in the kidneys, stomach problems, a lot more people reporting being dizzy," em i bin tok.

Em tu i tok 15-pela pipol ibin igo long medikol senta long aelan, na sampela long Sande ibin lusim protes blong ol.

Imigresin Dipatment blong Australia i tok ol ripot long namba blong ol asailam sika i stap long dispela 'hunger strike' ino bikpela olsem ol i stori long midia.