PNG i wanbel long MSG duty fri tred.

PNG i wanbel long MSG duty fri tred.

PNG i wanbel long MSG duty fri tred.

Postim 15 November 2012, 10:10 AEDT

Melanesian Spearhead Group kantri i wanbel nau long bihainim gutpela dispela Fri Tred Agrimen namel long ol.

Dispela i kamap bihain long Papua New Guinea i wanbel long rausim duty (takis) long ol prodakt we emi save protektim long bipo.

Merewalesi Falemaka, daerekta blong MSG tred na investment itok, ol senis ia i minim bai fri tred agrimen namel ol Melanesian kantri bai kamap gutpela moa long neks yar.

Em itok igat samting olsem 50 pela prodakt nau i stap long dispela list we igat duty fri longen. Ol samting we bai duty i stap yet longen em mackerel (fish), salt na sugar.

Dispela muv i kamap bihain klostu long sevenpela yar dispela fri tred dil i stap namel long Solomon Islands, Vanuatu, Fiji na Papua New Guinea.

Fiji ibin wok long askim fri tred namel long ol MSG prodakt stat long 2009.

Vanuatu em ibin stat long 2010 na em i ting bai em rausim olgeta duty takis long yar ikam, na Solomon Islands ibin stat long 2011.