Oli painim $116 million drug klostu long Tonga

Oli painim $116 million drug klostu long Tonga

Oli painim $116 million drug klostu long Tonga

Updated 16 November 2012, 18:36 AEST

Ol polis itok oli painim bodi blong wanpla dai man na moa long 200 kilogrem long drag kokein long wanpla bot emi bin kapsaet long ol solwara blong Tonga.

Despla  13-metre bot 'JeReVe' ibin lusim Ecuador long mun August, na emi bin pulap long samting olsem 204 one-kilo blok long ol kokein, em ol polis i bilip oli bin wok long traem long bringim ikam insaet long Australia we oli bin laik salim long ol pipal.

Ol Polis fosas blong  Australia, Tonga na Cook Islands, wantem halvim ikam tu laen blong Drug Enforcement Administration blong America ino bin save long ron blong despla bot long namba 5 Oktoba.

Australian Federal Polis itok oli bin painim despla bot long nambis long lilik ailan blong  Luatafito, emi no longwei tumas long Tonga, wanpla mun bihaen long emi bin lus.

Australian Customs Sevis itok oli bilip olsem ibin gat tupla bos kru insaet long despla bot taem emi bin lusim.

Australian Federal Polis i salim pinis ol forensik saintis igo long Tonga long halvim wantem ol wok painimaut blong ol. Bai oli mekim tu ol wok painimaut long bodi blong despla daiman, tasol bodi blong en ibin bagarap olgeta pinis.

Ol polis long Tonga itok olsem, mak blong despla kokein emi bin stap long bot, sopos oli bin salim long ol pipal, bai nap kamap long samting olsem  $116 million.