PNG Ok Tedi mine i kamapim sik oa nogat

PNG Ok Tedi mine i kamapim sik oa nogat

PNG Ok Tedi mine i kamapim sik oa nogat

Updated 19 November 2012, 15:47 AEST

Igat askim olsem bai PNG gavman imas mekim wok painimaut long Ok Tedi mine bihaenim ol sik.

Gavana bifo blong Papua New Guinea Western Province itok gavman imas mekim ol bikpla wok painimaut sopos Ok Tedi mine iwok long kamapim ol bikpla wari long helt blong ol pipal long provins.

Dr Bob Danaya, husat i wanpla medical doctor, i mekim despla toktok bihaenim ol wari olsem planti pipal husat isave stap klostu long  Fly River iwok long sik olegta taem, na sampla meri ibin dai long ol despla wik igo pinis.

Emi tok, stat long taem oli bin kirapim Ok Tedi Mine, samting olsem 500 pipal ibin dai pinis, tasol oli no save gut sopos oli dai long ol posin blong mine oa sampla narapla samting.

Nau iet Prime Minista, Peter O'Neill i salim pinis ol saintis igo long Western Provins long lukluk long despla wari.