PNG i kisim nau ol asailam sika

PNG i kisim nau ol asailam sika

PNG i kisim nau ol asailam sika

Updated 21 November 2012, 17:10 AEST

Nambawan grup bilong ol assylum seekers long Australia igo kamap pinis long Manus Island long Papua New Guinea tede long morning.

19-pela pipol em ol families ikam long kantri Sri Lanka na Iran ibin  kamap  long Momote ples balus long 8 kilok long  morning na  ol PNG riot polis na sekuriti bilong Australia ibin  wuas na kisim ol igo long Manus Island Regional assylum seeker processing centre.
 
Ol itok bai igat tri-pela ten bai igo pas long Manus, aut long 600 assylum seeker o pipol Australia imakim long salim igo long Manus Island long PNG.
 
Memba bilong Manus, Ronnie Knight itok em hamamas long Australia isalim ol igo, tasol olgeta pipol ino wanbel long wanem ol local bisnis, kampani na papa graun long Manus ino kisim ol spin off bisnis, olsem wok bilong kukim kaikai na providim sekuriti long processing centre.
 
Em itokim niusman, Firmin Nanol, Australia na PNG gavman mas stretim ol kaen nid na wari bilong ol Manus pipol na landowners pastaim long narapela grup bilong ol 600 laen ya inap go long Manus o PNG.