Nauru minista ino hamamas wantem asailam senta

Nauru minista ino hamamas wantem asailam senta

Nauru minista ino hamamas wantem asailam senta

Updated 22 November 2012, 9:17 AEST

Foran Minista blong Nauru, itok emi luksave long wari blong ol ofisa blong  Amnesty Intanesanal inspektas husat ibin tok olsem asailam senta long Nauru ino gutpla tumas, na emi tok em bai mekim olgeta wok emi ken mekim blong stretim despla heve kuik taem.

Ol despla inspekta ibin mekim ol despla toktok bihaenim wanpla raon blong ol igo long Australian ditensan senta.

Doctor Kieren Keke ibin tokim ABC PM progrem olsem bai oli statim ol wok klostu blong bildim ol gutpla haus blong ol asailam sika na nau iet em bai statim ol wok blong hariapim despla projek.

Dr Keke itok oli wok long mekim iet tu ol toktok wantem ol papa graon long kompenseisan, na despla ino pinis iet.

"The current facilities that are available are certainly not what either the Nauru government or the Australian Government wants and are finding acceptable as a permanent solution,"

"Unfortunately, and quite frustratingly for myself and the Nauru government, there's been delays caused largely through negotiations on revised terms of the land lease for the land that the site is on."

Dr Keke itok tu olsem oli no save iet tu long wonem taem stret bai oli stat long lukluk long ol askim blong ol asailam sika, tasol asailam senta ofis bai op long wik bihaen.