Ol Tonga soljia i kisim luksave long wok long Afghanistan

Ol Tonga soljia i kisim luksave long wok long Afghanistan

Ol Tonga soljia i kisim luksave long wok long Afghanistan

Postim 22 November 2012, 10:15 AEST

55 soljia blong Tonga bai kisim medal blong ol tede olsem luksave long ol wok em oli bin mekim long halvim ol British military wok long Afghanistan.

Ol despla soljia ibin go bek long Tonga long despla wik bihaenim sikispla mun we oli bin wok wantem ol militari blong Britain long Camp Bastion long Helmand Provins.

Minista blong  State blong  Armed Forces, Andrew Robathan, bai givim ol medal long ol despla soljia wantem ol narapla soljia husat ibin wok bifo long Afghanistan long wanpla bikpla seremoni long Fua'amotu.

Wanpla long ol despla soljia, Commander Solomone Savelio, itokim Radio Australia Pacific Beat olsem despla luksave i wanpla bikpla samting.

"We're the only country that's being presented with this medal - because we were under their command, her majesty, the Queen, allowed it to be presented to the Tongan soldiers,"

Tonga ibin stat long salim samting olsem 55 ol soljia blong en igo long  Afghanistan long 2010, bihaenim askim blong gavman blong Britain.

Ol despla soljia isave wok long Afghanistan long sikispla mun, aninit long NATO, husat isave mekim ol wok sekiuriti long despla kantri.