Asua blong pailat na taim nogut i kosim PNG balus crash

Asua blong pailat na taim nogut i kosim PNG balus crash

Asua blong pailat na taim nogut i kosim PNG balus crash

Updated 23 November 2012, 14:48 AEDT

Dispela oli tokaut longen long laspela ripot long 2010 balus i crash long Milne Bay we kilim dai 3 Australian na wanpela New Zealander.

Papua New Guinea Accident Investigesen Komision i painim olsem taim-nogut oa bad weather na asua blong pailat nau i bin kamapim despela birua blong dispela Cessna Citation balus long Mline Bay.

25-yar-ol naba tu pailat tasol em ino dai long dispela crash.

Despela balus paia long pinis blong ples balus oa runway long Misima Island long Milne Bay province long mun August 2010.

Niusman Firmin Nanol i tok despela ripot i painim olsem em taim nogut na runway i no bin gutpela long balus igo pundaon longen.

PNG Accident Investigesen Komisona, David Inau, i tok i nogat wanpela bai i kisim heve long despela, tasol operata i no bin mekim wanpela samting, bihaen long despela

Em dispela sem balus i bin pas i stap long runway, wanpela yar bifo.

Mr Inau itok bai em i gutpela sapos oli bin ripotim ol despela trabol oa heve oli bin bungim igo long ol otoroti.

Em itok em i responsibiliti blong ol opereta long meksua kondisen blong runway i gutpela long balus i ron longen. Sapos ol i ting em i orait nau bai oli yusim.

SOS International Medivac i bin operetim despela balus, olsem papa longen na wanpela man blong Australia Les Wright i bin pailat longen