Manus Island imakim taem igo long Australia, na PNG

Manus Island imakim taem igo long Australia, na PNG

Manus Island imakim taem igo long Australia, na PNG

Postim 23 November 2012, 7:40 AEST

Wanpla laen papa graon long  Manus Island i makim pinis taem igo long Australia na Papua New Guinea inap long Tunde long wik bihaen long harim na stretim ol bikpla askim blong ol long asailam ditensan senta.

Australia ibin bringim nambawan laen asailam sika igo long Manus Island ditensan senta long Trinde, tasol ol papa graon long hap itok lukaut olsem bai oli bringim despla wari igo long kot.

Mary Handen blong  Los Negros Landowner Grup ibin tokim Pacific niusman Sean Dorney olsem  Australia ino luksave long ol Manus pipal taem emi no laik larim ol pipal long stap insaet long ol wok long despla ditensan senta.

Emi tok oli no hamamas liklik. Emi tok tu olsem, oli laikim bai oli wok tu long ronim despla senta, blong oli ken mekim sampla moni.

Mary Handen itok, oli bin tok oraet pinis long givim despla tupla gavman tupla wik long skelim askim blong ol, na despla tupla wik bai pinis long Tunde namba 27 November.

Long stat blong despla mun, ol papa graon ibin pasim Momote ples balus long soim despla strongpla wari blong ol.

Pacific niusman Sean Dorney ibin tokim Australia Network olsem planti pipal long Manus igat ol kaen kaen tingting long despla asailam prosesing senta. Na emi tok klia long Tok Inglis.