Australia i senisim laif blong liklik ni-Vanuatu meri

Australia i senisim laif blong liklik ni-Vanuatu meri

Australia i senisim laif blong liklik ni-Vanuatu meri

Postim 26 November 2012, 8:52 AEDT

Wanpla liklik ni-Vanuatu meri klostu bai go bek long ples bihaen long ol dokta blong Monash Children's haus sik ibin katim na stretim fes blong en hia long Melbourne.

Mama blong Failyne Terry krismas blong en 4, ibin karim em wantem wanpla sik long fes blong en, we fes blong en ibin solap olsem buk na kamapim wara long kru blong en, na tu emi bin bagarapim tru nus na ai blong en.

Failyne isave bin gat pen olgeta taem, na ol pipal long vilis blong en ino bin laik save long femili blong en, inap wanpla Australian klinik long Vanuatu ibin askim Australian Rotari na Monash Children's Hospital long halvim em.

Ol Surgeons oa dokta long Melbourne katim na mekim ol gutpla senis long fes blong Failyne. Ol despla halvim ibin karamapim 5pla operation long 6pla mun.

Mama blong Failyne, Mepile Leben, itok nau pikinini blong en i oraet pinis na emi save hamamas olgeta taem.

Associate Professor Andrew Danks, husat ibin opereitim Failyne itok emi bin hamamas long halvim em.

Failyne bai go bek long Vanuatu tumora, na em bai kam bek long Australia long lukim ken ol dokta insaet long long 5pla yia.