Ol Pacific pikinini i usim nursery rhymes long lukautim ol iet

Ol Pacific pikinini i usim nursery rhymes long lukautim ol iet

Ol Pacific pikinini i usim nursery rhymes long lukautim ol iet

Postim 27 November 2012, 9:07 AEST

Wanpla Australian Cheriti laen i kamapim pinis wanpla  DVD we oli usim ol nursery rhymes oa stori blong ol pikinini long halvim ol skul tisa long Pacific rijan long skulim ol pikinini long ol lukautim ol iet long ol kaen taem nogut oa natural disasters.

Caritas Australia itok wok blong usim ol DVD long skulim na na halvim ol pikinini long lukautim ol iet long ol taem nogut olsem long saiklon, earth quake na tsunamis emi gutpla tru.

Progrem manager blong Caritas long Solomon Islands na Vanuatu, Adam Elliot itokim Radio Australia, olsem ol pikinini isave kamap olsem ol nambawan laen long kisim bagarap long ol taem nogut.

Mr Elliot itok olsem, oli painim olsem ol pikinini isave poret na seksek long taem nogut, na yumi ol bikpla man na meri yumi save wari pastem long ol pikinini blong yumi.

Sampla taem, sopos taem nogut i kamap yumi save poret tu na seksek nabaut na lus tingting long ol pikinini, olsem na i gutpla long skulim ol long pikinini long ol gutpla wei em oli ken lukautim ol iet long ol taem nogut.

Caritas itok oli bin tingting long kamapim despla progrem, bihaenim ol guria na tsunami ibin hamarim Samoa long 2009 na long 2007 bikpla stunami ibin hamarim tu Solomon Islands. Planti pikinini tru ibin dai long despla taem nogut long Samoa na Solomon Islands.

Caritas itok despla projek iwok long halvim tu ol tisa blong ol liklik pikinini tru husat ino bin skul long mekim despla wok long planti Pacific kantri long lainim ol gutpla wei blong skulim ol pikinini.