Bikpla kros bihaenim dai blong Solomons dolphin long Philippines

Bikpla kros bihaenim dai blong Solomons dolphin long Philippines

Bikpla kros bihaenim dai blong Solomons dolphin long Philippines

Updated 28 November 2012, 8:47 AEST

Ol animal rights activists long Philippines itok bai oli kotim ol laen husat ibin kamapim dai blong wanpla long 25pla ten Dolphins em oli bin salim igo long wanpla resort long Singapore.

Ol despla Dolphines em oli bin baem long Solomon islands long 2010 ibin wok long stap long Ocean Adventure marine park long  Philippines we oli bin wok long skulim ol long mekim ol kaen kaen trik na stail blong ol pastem oli bin salim ol igo long Singapore.

Wanpla long ol despla dolphins ibin dai taem oli bin wok long bringim ol igo long Singapore long wik igo pinis.

Laen blong Philippines Animal Welfare Society (PAWS) itokaut pinis olsem emi wari tru na emi no wanbel long dai blong despla Dolphin.

Philippine Star niuspepa itok makim Direkta blong PAWS,Anna Cabrera long sutim tok long  BFAR [Bureau blong Fisheries na Aquatic Resources]  olsem oli no bin lukluk gut oa chekim ol despla Dolphins pastem oli bin salim ol igo long Singapore.

Wanpla kot long manila, biktaon blong Philippines i odarim pinis Singapore's Resorts World Sentosa  na laen blong ol dipatman blong Agrikalsa na Fisheries long bekim ol despla wari na toktok blong Philippines Animal Welfare Society.