NZ i rausim ol soljia blong en long Solomon Islands

NZ i rausim ol soljia blong en long Solomon Islands

NZ i rausim ol soljia blong en long Solomon Islands

Postim 30 November 2012, 7:45 AEDT

New Zealand i rausim ol soljia blong en long Solomon Islands aste samting olsem 10pla yia we oli wok wantem RAMSI.

Oli bin tok gudbai long laspla laen soljia long base blong Regional Assistance Mission igo long Solomon Islands long  Honiara long wanpla laspla dril wantem ol wanwok blong ol blong Australia.

Despla em namba 16 laen soljia blong New Zealand long wok wantem RAMSI stat long taem oli bin statim despla wokbung namel long ol Pacific kantri.

RAMSI em Australia igo pas long en ibin stat wok blong bringim gutpla sidaon bihaenim bikpla trabal long Solomon Islands long yia 2003.

Deputi special co-ordinator blong RAMSI, Wayne Higgins, itok, maski sopos despla i laspla laen soljia blong New Zealand long lusim RAMSI, sampla liklik laen pipal blong New Zealand bai stap iet long Solomon Islands inap long yia bihaen, taem wok blong RAMSI bai pinis turu turu.

Mr Higgins ibin tokim Pacific Beat olsem bai oli surikim planti long ol wok blong ol igo aninit long ol aid progrem nau.

Emi bin tok tu olsem, igat gutpla sidaon istap nau namel long ol pipal blong Solomon islands,tasol oli gat planti moa wok long mekim.