Taifun i kilim moa long 270 Philippines pipal

Taifun i kilim moa long 270 Philippines pipal

Taifun i kilim moa long 270 Philippines pipal

Updated 6 December 2012, 10:37 AEST

Namba blong ol pipal husat idai bihaen long wanpla strongpla taem nogut ibin harim Philippines nau i winim pinis 270 pipal, na planti handrat moa iwok long lus iet.

Long despla taem ol reskiu sevis iwok long papainim iet ol pipal long ol ples em ol graon bruk na tait wara iwok long kamap long ol.

Taifun Bopha ibin hamarim Mindanao emi stap long south blong kantri long Tunde, na bagarapim planti diwai na bagarapim planti tausan ol haus blong ol pipal.

Bosman blong sivil difens, Benito Ramos itok samting olsem 253 pipal ibin dai long ol ples klostu na raon long ol taen blong New Bataan na Monkayo long wonem ibin gat planti graon bruk na tait wara ibin kamap long despla tupla ples. Igat planti wok mining tu isave kamap long despla tupla ples.

Tupla ten wan pipal ibin dai tu long ailan blong Mindanao na ol  central islands.

Tupla gavman kebinat minista, Mar Roxas na Corazon Soliman, ibin go long balus long lukim ol bagarap em despla taifun ibin kamapim na tupla ibin tok makim olsem ples i bagarap olgeta na planti tausan ol pipal i lusim pinis ol haus na olgeta samting em oli gat. Oli tok tu olsem oli bin lukim planti bodi blong ol pipal husat idai pinis iwok long slip nambaut long ol ples istap.

Ples i bagarap olgeta

Typhoon Bopha death toll passes 200 Video: Typhoon Bopha death toll passes 200 (ABC News)

 

AFP