Vanuatu oposisan i laik chalensim kot

Vanuatu oposisan i laik chalensim kot

Vanuatu oposisan i laik chalensim kot

Postim 6 December 2012, 10:19 AEDT

Oli ting wanpla Vanuatu oposisan laen bai go long Suprim Kot tede blong chalensim tingting blong en long blokim vout ov no kinfidans motion egensim Praim Minista Sato Kilman.

Long stat blong despla wik, spika blong Palaman,  George Wells ibin tokaut olsem tingting blong mekim no konfidans vout egensim Praim Minista ino bin bihaenim loa na bai oli no harim despla keis tumora.

Tasol Oposisan itok Spika ino gat rait oa emi no gat paua long mekim despla kaen toktok.

Oli tok oli laik iet bai oli mas harim despla vout ov no konfidans long Palaman tumora.

Despla laen itok olsem 28 ol palaman memba bihaen long fopla Palaman memba na sapota blong Praim Minista lusim kemp blong PM na go joinim oposisan.

Vanuatu palaman igat 52 sia.

Namel long ol bel heve em oposisan igat na as tingting blong mekim despla vout ov no konfidans egensim Praim Minista em olsem, emi bin makim ken sampla gavman minista  husat bai kamap long kot bihaenim sampla trabal em oli bin mekim bifo.