Ol Pacific kantri ino wanbel long climate miting

Ol Pacific kantri ino wanbel long climate miting

Ol Pacific kantri ino wanbel long climate miting

Postim 7 December 2012, 17:12 AEDT

Ol Pacific kantri husat iwok long bungim trabal nau long climate change itok oli les tru wantem United Nations Climate Change konfrans long Doha.

As tingting blong despla miting em blong stretim gut nau ol tok oraet blong katim ol posin gas oa greenhaus gas long kisim ples blong narapla tok oraet em oli bin kolim long Kyoto Protocol.

Sampla kantri nau i sapotim tingting blong kamapim nupla agriman, tasol sampla ken itok, ol despla nupla tok oraet emi no gutpla long wonem sopos ol bikpla developing kantri husat isave pamim ol gas nogut igo long kilaut ino sapotim despla tingting, despla emi nogut.

Tupla long ol despla kantri em China na India.

Liklik Pacific kantri blong Kiribati itok emi wari tru long bihaen taem blong kantri blong en.

Ol bikpla na richpla kantri ino bihaenim gut iet ol tok promis blong ol long givim planti bilian dola igo long ol pua kantri long halvim ol long faitim ol heve em climate change bai kamapim.