Vanuatu PM i stopim no konfidans vout

Vanuatu PM i stopim no konfidans vout

Vanuatu PM i stopim no konfidans vout

Updated 7 December 2012, 18:51 AEST

Praim Minista Sato Kilman ibin stopim despla no konfidans vout bihaen long emi bin senisim kebinat blong en.

Mr Kilman ibin stopim despla vout ov no konfidans taem emi bin senisim ministri blong en na kisim sapot tu ikam long sampla oposisan memba.

Mr Kilman ibin rausim Dunstan Hilton olsem minista blong Agriculture, Forestry na Fishery na givim despla wok igo long Mr Kalvau Moli.

Mr Moli ibin wok bifo olsem wanpla niusman na tu emi nupla memba blong Palaman.

Ol oposisan ibin laik mekim wanpla vout ov no konfidans long Praim Minista long wonem emi bin makim sampla memba olsem ol gavman minista, taem ol despla minista iwok long feisim ol sas egensim ol long kot.

Bihaen long emi bin senisim kebinat blong en Mr Kilman ibin tok olsem emi gat nau 30 memba insaet long 52 sia Palaman.