Ol Reefs i strong winim ol posin nogut

Ol Reefs i strong winim ol posin nogut

Ol Reefs i strong winim ol posin nogut

Updated 11 December 2012, 8:58 AEDT

Ol nupla wok painimaut i soim olsem ol Coral Reefs i strong moa winim ol posin emi save kamap long ol solwara.

Bifo oli save ting olsem ol Coral reef isave kisim taem long ol posin nogut oa  acidification, tasol nau oli nupla wok painimaut i soim olsem despla ino tru.

Ol Saintis ibin wari olsem, ol reefs bai bagarap taem mak blong carbon antap long kilaut isave go antap na posin oa acidity long solwara isave go antap.

Tasol ol wok painimaut em Australian National University ibin mekim long Great Barrier Reef i soim olsem ol reefs igat strong egensim ol despla posin.

Saintis husat ibin mekim despla wok painimaut Merinda Nash, itokim  Radio Australia Pacific Beat progrem olsem oli painim wanpla kaen strongpla mineral em oli kolim  dolomite long ol samting em oli save grow long solwara oa algae isave pasim na strongim ol reefs long stap gut, na despla isave halvim ol long noken kisim taem long ol despla posin nogut oa acidity.

Ms Nash tok tu olsem despla wok painimaut i gutpla tru blong ol Pacific Island kantri husat igat ol liklik Coral atol, em ol strongpla waves isave hamarim ol olgeta taem, long wonem planti long ol despla atols isave pulap long ol algae oa algae isave karampim ol.