PNG Malagan masks foto igo bek long ples

PNG Malagan masks foto igo bek long ples

PNG Malagan masks foto igo bek long ples

Postim 12 December 2012, 16:03 AEDT

Oli bihaenim wanpla kaen wei we oli usim ol kamera blong salim ol foto long ol Malangan Masks igo bek long New Ireland province long Papua New Guinea oa "digital repatriation".

Planti pipal ino save laikim despla kaen pasin, tasol oli usim nau blong salim ol piksa blong ol despla Masks igo bek long PNG.

Queensland University ibin kisim ol 3D piksa blong ol despla seremonial masks em sampla misinari na ol gavman wokman ibin kisim long New Ireland na bringim igo long Europe na tu ikam long Australia bifo iet.

Dr Graeme Were, blong Queensland University, iwok long wok wantem ol despla komiuniti long tenpla yia nau itokim Radio Australia olsem, despla planti pipal ino save laikim despla kaen pasin blong usim foto long salim ol despla samting igo bek long ol asples blong ol.

"Who wants to be given back a digital image if you're making claims on the original artefact?"

Tasol Dr Were itok, ol pipal blong New Ireland i hamamas tasol long lukim ol foto blong ol masks long wonem oli no laikim ol despla masks tru tru long go bek long ples.

Queensland University ibin wokbung wantem ol pipal blong New Ireland na tupla man blong ples iet ibin go long  Brisbane long lukim na makim ol masks em oli bin fotoim ol.