West Papua na Palestine Freedom

West Papua na Palestine Freedom

West Papua na Palestine Freedom

Updated 12 December 2012, 8:03 AEST

Olgeta kantri blong wold i bin makim International Human Rights Day, long Mande December 10 na ol West Papua pipal tu ibin tingim despla bikpla dei.

Long Wewak taun, long East Sepik Provins blong Papua New Guinea, wanpela bikpela lain komuniti blong West Papua ibin stap long wanpela protes march long autim wari blong ol na makim human raits dei.

Long mun igo pinis, samting olsem 138 ol kantri ibin vout long United Nations General Assembly long sapotim Palestine long kamap olsem wanpla  non-member observer state insaet long United Nations.

Ol pipal blong West Papua iwok long askim United Nations na fait hard nau moa long 60pla yia blong bruk lusim Indonesia husat ibin kisim nating West Papua long ol yiar 1960's.

Herman Wainggai, wanpela West Papua activist long Australia tasol long dispela taim, em i stadi long America, long School for Conflict Analysis na Resolution long George Mason University, i tokim mipela isu blong West Papua i kamap olsem heve na wari blong ol Palestinian pipol long Middle East.