Tropical Cyclone Evan i hitim Samoa

Tropical Cyclone Evan i hitim Samoa

Tropical Cyclone Evan i hitim Samoa

Postim 13 December 2012, 16:06 AEST

Cyclone Evan i kamap klostu long kapitol blong Samoa em Apia. Cyclone ia i gat win we i kamap long 110 kilomita long wanpela aua.

Ol otoriti ibin givim aut woning long strongpela win na ren na flad wara woning. Ol weather lain i tok bai cyclone ia i kosim bikpela solwara tu we bai nap kamap 3 pela mita long nambis.

Hevi ren i bagarapim tu sampela hap blong peles balus long Apia.

Neville Koop, meteorology na climate advaisa long Secretariat blong Pacific Regional Environment Programme i tokim Radio Australia olsem oli ting Cyclone Evan bai go daun long Fiji we i wok long redi tu long kisim taim nogut.

 

Eli long tede, Samoa Metservice forecaster Mulipola Austalia Titimaea i tokim Pacific Beat program olsem Apia i kisim strongpela win.

 

 

Evan i nabawan cyclone long cyclone taim blong South Pacific.

UN Disaster Management Office long Samoa, na disaster disasta komiti i mit long toktok long hau ol bai redi.

 

Ol skul long American Samoa i pas tu bikos long dispela cyclone.

Forecasters itok sapos Evan i go east na go south-west, bai em i no bagarapim nothern Tonga na eastern Fiji.