Saiklon i kilim tupla Samoa pipal

Saiklon i kilim tupla Samoa pipal

Saiklon i kilim tupla Samoa pipal

Updated 14 December 2012, 9:13 AEST

Tupla pipal idai pipal blong Samoa i dai pinis bihaen long Saiklon Evan ibin hamarim kantri aste.

Aste long avinun despla saiklon ibin kamap long biktaon Apia na bagarapim planti samting wantem tu ol haus na kamapim ol bikpla taitwara long siti.

Gavman i kamapim pinis wanpla steit ov imgensi long kantri.

Taulealea Usunai tokman blong Ministri blong Natural Resources na Environment itok olsem ol pipal istap oraet liklik tasol oli laikim sampla halvim ikam long ol narapla kantri.

American Samoa tu nau iwok long redi long long kisim taem long Saiklon evan, tasol long despla taem ol strongpla mama win iwok long hamarim teritori. Oli tokaut iet sopos oli kisim pinis sampla bagarap oa nogat.

Despla Saiklon nau iwok long stap klostu long narapla ailan blong Samoa em oli kolim long Upolu.

Ofis blong weather iwok long givimaut iet ol woning olsem ol strongpla win istap iet na ol pipal imas wuas gut long laif blong ol.

Cyclone Evan 'dangerous and scary' Video: Cyclone Evan 'dangerous and scary' (ABC News)

 

Aste wanpla lokal niuesmeri  Cherelle Jackson ibin tokaut olsem planti diwai ibin bruk na pudaon, na ol bikpla tait wara ibin bagarapim Apia taon.

Ms Jackson ibin tokim Pacific Beat progrem olsem ol imgensi sevis iwok long wok hard blong rausim ol diwai em oli wok long pasim ol rot na tu oli klinim taon.

Cherelle Jackson ibin tok tu olsem ol ilektrik pos ibin pudaon, ol kapiak tree, ol taro gaden, ol banana, tapioka gaden na planti ol narapla samting ibin bagarap long despla Saiklon.

Monica Miller, Radio Australia niusmeri long American Samoa itok tu olsem ol pipal long hap iwok long pasim ol haus blong ol na oli pasim pinis ol skul.

EFaleolo Airport Terminal Photo: This image, posted on Facebook, shows the collapsed entrance walkway at the Faleolo Airport Terminal, as Apia braces for Cyclone Evan. (Facebook: Ben Lavea Muamua)