Saiklon Evan iron igo long Fiji

Saiklon Evan iron igo long Fiji

Saiklon Evan iron igo long Fiji

Updated 15 December 2012, 16:24 AEDT

Olgeta weather ofis long Pacific rijan nau iwok long wuas gut long Saiklon evan emi wok long ron igo olsem nau long Fiji.

Ol nupla toksave em oli wok long givim nau itok olsem despla saiklon iwok long lusim Samoa na emi wok long ron klostu nau long Tonga.

Oli ting emi nap kamap strong taem emi ron klostu long  French Territory blong Wallace na Futuna, na tu long Tokelau, teritori blong New Zealand.

Oli ting Saiklon evan bai hamarim Fiji tumora nait.

Ol imegensi sevis long Fiji nau iwok long redi-im ol pipal long despla taem nogut.

Hed blong ministri blong Infrastructure long Tonga, Ringo Faoliu, itok oli ting despla saiklon bai no nap hamarim Tonga, long wonem emi stap samting olsem 100 kilomita longwei long ol ailan long north blong kantri.

Fiji intarim Praim Minista Commodore Frank Bainimarama igivim pinis ol toktok igo long ol pipal blong en olsem despla saiklon inap kamapim bagarap long olgeta hap blong kantri.

Commodore Bainimarama iwok long askim strong ol pipal long stap isi, lukautim ol lapun na ol pikinini, noken raon nabaut, noken go lukim ol pipal na noken spak nabaut inap despla saiklon i pinis.