Fiji na Nauru bai pilai tede long Oceania Cup grand final long Suva

Fiji na Nauru bai pilai tede long Oceania Cup grand final long Suva

Fiji na Nauru bai pilai tede long Oceania Cup grand final long Suva

Postim 19 December 2012, 9:47 AEDT

Australian Rules Oceania Cup grand final em saiklon Evan ibin stopim pastem bai go hed tede long Suva namel long Fiji na Nauru.

Ol sempion Aussie rules pleias blong faifpla kantri long Pacific - Fiji, Nauru, Vanuatu, Tonga na Solomon Islands - ibin stap long despla tonamant.

Australian Football League's divelopman manager, Andrew Cadzow, itokim Radio Australia Pacific Beat progrem olsem ibin stap isi tasol long despla saiklon.

Oli tok Saiklon Evan emi wanpla bikpla na strongpla taem nogut stret long hamarim Fiji long 20pla yia.

Mr Cadzow itok oli bin laki tru, saiklon ino bin kamapim ol bikpla bagarap na kilim sampla pipal.

Emi tok tu olsem oli bin pilai long Suva aste bihaenim halvim ikam long Suva City Council.

Mr Cadzow itok, grand final bai go hed tede namel long Fiji na Nauru long painim husat long despla tupla saed bai win.

Aste, Vanuatu na Solomon Islands ibin pilai long kisim namba tri na namba foa ples.

Solomon Islands ibin winim Vanuatu, na tede Solomon Islands bai pilai egensim Tonga long opim grand final.

Mr Cadzow itok maski saiklon Evan i bin hamarim Fiji na kamapim planti bagarap, Suva emi gutpla ples iet long holim despla Australian Rules Oceania Cup resis.