Australia gavman i no laikim pait long taim blong whaling

Australia gavman i no laikim pait long taim blong whaling

Australia gavman i no laikim pait long taim blong whaling

Updated 21 December 2012, 14:07 AEDT

Australia i joinim New Zealand, US na the Netherlands long bihainim gutpela pasin long taim blong hantim whale long Southern Ocean.

Ol dispela anti-whaling kantri ia i mekim joint toktok olsem oli respektim rait blong mekim pisful protest, tasol bai oli yiusim fos blong lo long husat lain i wokim "unlawful activity".

Oli laik long ol activist ia i noken wokim samting we bai ken kilim dai pipol long taim we ol bot blong Japan i wok long redi nau long go aut long hantim ol whale.

Ol 4 pela kantri ia i tok aut klia olsem oli no laikim pasin blong hantim ol whale insait long ol wara we International Whaling Commission itok em i tabu long hantim ol whale.

Sea Shepherd environtent group we i beis long Amerika i wok long bagarapim whale hanting blong Japan long olgeta yar. Japan i kilim dai ol whale aninit long wanpela hap wea ino stret long dispela 1986 wol moratorium we em i larim oli save kilim dai ol whale long sait long research.

Captain Paul Watson itok dispela toktok blong ol 4 pela kantri ia oli sutim tasol long Sea Shepherd, we ol ship blongen i save bihainim ol whaling bot blong Japan taim oli go hanting.

Sea Shepherd i tok bai em faitim  long kot wanpela tabu oli putim long kot blong Amerika, we i tok ol environmentalist imas noken go long 500 metre klostu long ol whaling ship blong Japan.

ABC/AFP