Fiji draft blong mama loa oli givim igo long president

Fiji draft blong mama loa oli givim igo long president

Fiji draft blong mama loa oli givim igo long president

Postim 21 December 2012, 14:06 AEDT

President blong Fiji Ratu Epeli Nailtikau ibin kisim fainel ripot blong nupela mama loa blong kantri oli bin tingting longen.

President blong Fiji Ratu Epeli  Nailatikau ibin kisim fainel ripot  blong nupela mama loa blong kantriem oli bin tingting long en.

Komisin blong mama loa ibin givim  dispela "draft document" long wanpela liklik bung  long Gavaman Haus  long Suva.

Lain Contuent Assmbli em interim gavaman ibin makim nau bai igo hed  long lukluk long dispela ripot,em oli kisim tingting ikam long moa  long 7,000 ol pipol blong Fiji.

Na oli ting Assembli bai bringim ripot blong em long pinis blong mun March long yar bihain.

Na militari blong Fiji ibin tokaut pinis olsem ol soldia blong en bai igo hed  long stap insait  long ol wok blong lukautim kantri  bihain long 2014 general ileksen em oli bin tingting long en  long holim.

Na kopi blong dispela ripot em pipol ibin hait na kisim i stat long kamap pinis  long ol internet blog pastaim long President ibin kisim kopi blong em tede.

Dispela dokumen ibin kamapim tingting olsem bai igat wankain namba blong ol seats  long Fiji Palimen,na taim blong en oli daunim igo daun long foapela yar.na bai inogat senate.

Na dispela dokument ibin tok tu olsem taim blong Praim Minista long holim wok bai inap tasol long tupela yar.

Dispela ripot i toktok tu long glasim ken ol loa blong graun na ol tingting imas kamap long stretim wari blong "poverty na ol korapsen pasin.

Fiji miliati ibin laik long lukim olsem nupela mama loa blong kantri bai igo wantaim samting interim gavaman ibin lukim olsem i gutpela wok blong 2006 ami ku ibin kamapim.