Igat wari olsem ol wo kriminal inap hait long Vanuatu

Igat wari olsem ol wo kriminal inap hait long Vanuatu

Igat wari olsem ol wo kriminal inap hait long Vanuatu

Postim 24 December 2012, 6:06 AEDT

Amnesty International i mekim pinis tok lukaut olsem Vanuatu inap kamap olsem wanpla kantri we ol Wo kriminal em oli ting ibin brukim human rights na kilim nating ol pipal inap hait long Vanuatu.

Wanpla nupla ripot blong Amnesty i makim Vanuatu na tupla kantri long  Africa  Sierra Leone na Ghana olsem ol wo kriminal inap iusim ol despla kantri long go hait long ol.

Emi tok despla tripla kantri inap go hait long ol long wonem ol loa blong ol ino strong tumas oa emi isi long ol despla kaen trabalman long go na stap long ol.

Amnesty itok Vanuatu ino sainim iet despla loa em oli kolim long Rome Statute, em bai larim oli pulim kalabusim ol trabalman bai oli sanap long  International Criminal Court.

Kraisis kempein ko-odineita blong  Amnesty International Australia, Michael Hayworth, ibin tokim Radio Australia Pacific beat progrem long wik igo pinis olsem  Vanuatu imas stretim kuik despla wari oa emi mas sainim depsla Rome Statute.

Ol Het-tok: