Ol Fiji pipal long ol senta bai go bek long ples

Ol Fiji pipal long ol senta bai go bek long ples

Ol Fiji pipal long ol senta bai go bek long ples

Updated 24 December 2012, 5:55 AEST

United Nations itok emi laik lukim planti long ol pipal husat istap long ol care senta long go bek long ol ples blong ol pastem long krismas dei tumora.

Tokman blong United Nations long Fiji,  Peter Muller, itok samting olsem 8,000 ibin go bek long ol ples blong ol long ol despla dei igo pinis.

Narapla 5,000 pipal iwok long weitim iet ol wokman long stretim ol haus blong ol, bihaen oli ken go bek long ples.

Mr Muller ibin tokim Radio Australia olsem oli wok long wok hard stret long helpim olgeta pipal.

Planti long ol despla pipal istap long West blong kantri em saiklon Evan ibin hamarim gut tru.

United Nations Children's Fund istat pinis tu long helpim ol liklik pikinini long Fiji na Samoa wantem bihaen long saiklon Evan.

Emi tok bikpla wok em oli wok long mekim nau em blong lukautim gut ol pipal nougt oli sik bihaen long ol hai wara ibin bagarapim ol gutpla wara blong dring.

Oli tok bai oli givim samting olsem   5,000 doses marasin blong daonim sik tetanus long Samoa.

UNICEF itok heve blong water na electricity long Fiji na Samoa wantem iwok long kamapim ol bikpla wari long planti tausan pipal.

Nau iet ol polis long Fiji i sasim pinis,15 pipal long wonem oli bin stilim ol samting long ol haus na stua long taem blong saiklon.

Oli sutim tok long 12pla man na wanpla meri long stilim ol samting long wanpla supamaket em kos blong ol istap olsem  $20,000 Fijian dolas.

Oli sasim tu narapla man long stilim ol strongpla drink em kos blong ol istap olsem $2,000 Fijian dolas.

Photo: A damaged home in Volivilo Beach in Rakiraki, Fiji, Monday, Dec. 17, 2012. Cyclone Evan has battered the South Pacific island state of Fiji with 200km/h winds, cutting power and water supplies in the northern region. (AAP Image: Jonacani Lalakobau)