PNG Bikpla Bagarap film

PNG Bikpla Bagarap film

PNG Bikpla Bagarap film

Updated 26 December 2012, 17:57 AEDT

Long las wik, bikpla televisan stesin long Papua New Guinea, MTV, ibin soim wanpla film oa piksa long ol wok blong logging na hau despla kaen bisnis iwok long bagarapim sidaon na graon blong ol papa na mama graon long Vanimo, Sandaon provins.

Nem blong despla film oa piksa em Bikpala bagarap, na man husat ibin redi-im na kamapim despla film em David Fedele.

Wok blong logging long PNG iwok long go hed long planti hap blong kantri, we planti ol foran kampani, na planti long ol ikam long Malysia, isave go insaet long ol ples wantem halvim ikam long ol politisan oa korap lida blong ples husat isave giamanim ol pipal long ples olsem ol despla kampani bai kamapim ol gutpla divelopman.

Tasol samting tru tru em blong kisim diwai na go salim igo long ol narapla kantri na kisim bikpla moni long ol.