India sumatin em oli reipim em i kamap long Singapore

India sumatin em oli reipim em i kamap long Singapore

India sumatin em oli reipim em i kamap long Singapore

Updated 27 December 2012, 18:58 AEST

Diispela India sumatin meri em klostu idai bihain long pipol ibin reipim em long bas long New Delhi nau igo kamap long Singapore long kisim marasin long wanpela bikpela haus sik.

Dispela pasin ibin kamapim  planti ol protes long olgeta hap blong India we wanpela polis man ibin dai na moa  long 100 ol polis man na ol pipol long protes ibin kisim bagarap.

Sikipela pipol em oli tingting nogut  long ol nau polis i arrestim ol pinis bihainim dispela birua ibin kamap long Disemba 16 na oli stap long rumgad.

Dispela skul meri krismas blong em 23 em balus ambulens ibin bringim em ikam long New Delhi aste nait na igo kamap long Mount Elizabeth haus sik long Singapore tede moning na toktok ikam long dispela haus sik itok emi no luk gutpela tumas

"She is being examined and the hospital is working with the Indian High Commission," it said.

Wanpela sinia dokta BD Athano ibin tokim ol lain nius olsem Mount Elizabeth Hausik igat  "state-of-art multi-organ transplant facilities".long halivim pipol igat ol bikpela bagarap olsem dispela yangpela meri India.

Na ol wok rere istap pinis long stretim rot blong famili igo wantaim em long wanem dispela "treatment bai kisim longpela taim liklik.

"She has had to be operated upon three times. With fortitude and courage she has survived the after-effects of the injuries so far but her condition continues to be critical."

Na tingting blong givim tok orait  long yangpela meri ia igo long Singapore ibin kamap long miting blong kabinet long New Delhi long aste na ol bikman  long haus sik ibin tok gavaman blong India ibin tok em  bai lukuatim kos blong treatment blong yangpela meri ia.

 

I