Saiklon Freda i hamarim Solomon Islands

Saiklon Freda i hamarim Solomon Islands

Saiklon Freda i hamarim Solomon Islands

Updated 31 December 2012, 7:28 AEST

Planti tausan pipol long Solomon Islands i lusim ples blong ol na i ronwe long wanem Saiklon Freda i hamarim sampela hap blong kantri nau ia.

Supervising Chief Forecaster long Meteorological Office long Solomon Islands Manoah Tepa itok Saiklon Freda em i wanpela powerful category Four saiklon we i karim strongpela win.

Em itok tupela ailan long sountern hap blong kantri, Rennell na Bellona nau i kisim bikpela heve long dispela saiklon.

Tasol Mr Tepa itok ol ailan olsem Guadalcanal na Makira long southern hap blong kantri tu i kisim sampela heve. Na em itok olgeta saiklon woning i stap yet long kantri maski saiklon Freda i wok long muv isisi long south south direction igo daun long New Caledonia.

Solomon Islands National Disaster Management Offife Director, Loti Yates itok ol ibin tokim planti tausan pipol husat i stap klostu long nambis na long ol riva long ronwe igo long hae graun.