Nogat sevei yet bihainim Saiklon Freda long Solomon Islands

Nogat sevei yet bihainim Saiklon Freda long Solomon Islands

Nogat sevei yet bihainim Saiklon Freda long Solomon Islands

Updated 1 January 2013, 17:45 AEST

Ibin nogat wanpela wok painim aut yet bihain long Saiklon Freda long Solomon Islands long last wiken.

Ol disaster otoriti long Solomon Islands ino mekim wanpela sevei from antap long balus yet long painim aut wanem kain damej tru nau Saiklon Freda ibin kosim long kantri long last wiken.

Program na Media officer blong National Disaster Management Office, Sipuru Rove itok dispela em long wanem oli nogat helikopta or balus long flae go long lukluk antap long ol ailan we saiklon ibin affektim.

Mr Rove itok ol ailan ya nau i Rennell na Bellona, Makira, Guadalcanal na  Malaita - tasol western hap blong kantri i no bin filim dispela saiklon na i nogat rein na i stap drae.

Em itok tupela ailan blong Rennell na Bellona nau Cyclone ibin hamarim bikpela long wikend na long nau ia ol telefon sistim i daun yet.

Mr Rove itok, National Disaster Management Office inogat helikopta oa balus blongen yet long mekim sevei long antap long ol ailan we saiklon i bagarapim.

Em itok tumora nau bai oli traim long mekim dispela sevei from ea sapos oli nap kisim helikopta na balus long wokim dispela wok.

Ol nabawan ripot oli kisim i tok bikpela damej nau em long sait long agrikalsa na sait long ol samting olsem rot na brij.