Amerika gavman i abrisim heve long bajet na ikonomi

Amerika gavman i abrisim heve long bajet na ikonomi

Amerika gavman i abrisim heve long bajet na ikonomi

Postim 1 January 2013, 16:07 AEST

Ol media ripot i tok President Barack Obama na ol Senate Republican i wanbel long bajet na i abrisim bikpela heve oli kolim 'fiscal cliff'.

Washington Post itok dispela agrimen we vice president Joe Biden i mekim, bai larim gavman i inkrisim ol inkam takis long bikpela mak long nabawan taim insait moa long 20 pela yar. Dispela i makim President Obama i kipim promis blongen long inkrisim takis long ol rich pipol.

Dispela i minim ol richest pipol long Amerika bai peim bikpela takis - em ol husat i save kisim moa long $US450,000 long wanpela yar . Tasol em ino karamapim ol arapela, na bai em no mekim $US109 billion long bajet kat long gavman sistim insait tupela mun. Wanpela top congressional aides mausman nau i tokim AFP dispela.

Dispela agrimen i inkludim ol spending kat na inkris long moni blong gavman blong peim dilei long apruvim dispela agrimen.

Insait long ol dispela kat long spending, 50% bai kam long defence na 50% from ol arapela eria - Reuters News Agency i tok.

Mr Biden, husat i mekim dispela dil wantaim Republican Senate majority leader Mitch McConnell, i stap long Capitol Hill long promotim long ol Democrat senata.

Oli kam aut long miting blong ol wantaim vice president na i tok ibin gat strongpela sapot long wanbel dispela lo hariap.

Dispela dil i minim Amerika i go bek gen long taim blong President Bill Clinton taim 39.6% blong ol household we i kisim $US450,000 moni mak na i go antap i peim hae takis.