Fiji PM itok promis konstitiusan bai redi klostu

Fiji PM itok promis konstitiusan bai redi klostu

Fiji PM itok promis konstitiusan bai redi klostu

Updated 2 January 2013, 12:27 AEST

Intarim Praim Minista Frank Bainimarama itok nupla mama loa oa konstitiusan bai redi long despla tripla mun ikam.

Emi bin mekim despla tok promis long ol toktok emi bin givim igo long ol pipal long Niu Yia.

Emi bin tok despla nupla mama loa bai redi-im rot blong kamapim wanpla gavman em ol pipal iet bai makim oa ilektim long 2014.

Commodore Bainimarama ibin tok tu olsem bai oli kamapim wanpla nupla flag blong kantri blong strongim nupla identiti blong Fiji.

Mr Bainimarama ibin brukim na bagarapim narapla mama loa blong bifo long 2009, tripla yia bihaen long emi bin rausim gavman na kamapim militari gavman bihaenim wanpla ku long 2006.

Emi tok despla nupla mama loa bai redi insaet long tripla mun na despla bai redi-im rot blong national ileksan long 2014.

Wanpla draft konstitiusan istap nau wantem President Epeli Nailatikau na em bai givim igo long wanpla laen ken oa spesel asembli husat bai lukluk gut long en tu.